ആദം ലാലേട്ടന്റെ കടുത്ത ആരാധകനെന്ന് ആസിഫ് അലി : ലാലേട്ടനെ അവൻ വിളിക്കുന്നത് പുലി എന്ന് !

വർഷങ്ങളായി മലയാള സിനിമയുടെ നെടുംതൂണായി മാറിയ നടനാണ് മലയാളികളുടെ പ്രിയപ്പെട്ട ലാലേട്ടൻ.
ഇന്ന് മലയാളത്തിൽ മാത്രമല്ല തെലുങ്കിലും ഏറെ ആരാധകരുള്ള താരമായി വളർന്നു കഴിഞ്ഞു.ലാലേട്ടനോടുള്ള ആരാധനയുടെ കഥകൾ നാം ദിനംപ്രതി കേട്ടുകൊണ്ട് ഇരിക്കുകയാണ്.

ഈ വർഷത്തെ ഏറ്റവും വലിയ ഹിറ്റുകളിൽ ഒന്നായ ക്വീൻ എന്ന ചിത്രത്തിലും മോഹൻലാലിനെ കുറിച്ചുള്ള ഗാനം ഉണ്ടായിരുന്നു. ചിത്രത്തിന് വലിയ തോതിൽ മൈലേജ് ലഭിക്കാൻ വരെ അത് കാരണമായി. ഇപ്പോഴിതാ തന്റെ മകൻ മോഹൻലാലിന്റെ കടുത്ത ആരാധകനാണെന്ന് വെളിപ്പെടുത്തുകയാണ് ആസിഫ് അലി.

ആദം കഴിഞ്ഞ ദിവസം പുലിമുരുഗൻ സ്റ്റൈലിൽ ആണ് തന്റെ മുൻപിൽ എത്തിയതെന്നും അവനെ മോഹൻലാലിന്റെ ഭക്തൻ എന്ന് തന്നെ വിശേഷിപ്പിക്കാമെന്നും പറയുന്നു. അത്രമേൽ മോഹൻലാലിന്റെ കടുത്ത ആരാധകനായ അവൻ മോഹൻലാലിന്റെ ചിത്രം കണ്ടാൽ അദ്ദേഹത്തെ പുലി എന്നാണ് വിളിക്കാറ്.

ഒരു മൂന്ന് വയസ്സ്‌കാരനെ പുലിമുരുഗൻ എന്ന ചിത്രവും മോഹൻലാലും ഇത്രമേൽ എങ്ങെനെ ഇൻഫ്ളുവൻസ് ചെയ്തു എന്നത് തനിക്കിപ്പോഴും അത്ഭുദമാണ്. മോഹൻലാലിന്റെ മീശപിരിയും നടപ്പും നോട്ടവുമെല്ലാം അവൻ വീട്ടിൽ അനുകരിക്കാറുണ്ടെന്നും ആസിഫ് അലി പറഞ്ഞു. റെഡ് എഫ്. എം.നു നൽകിയ അഭിമുഖത്തിലാണ് ആസിഫ് അലി ഇക്കാര്യങ്ങൾ വെളിപ്പെടുത്തിയത്.