ചിയാൻ വിക്രത്തിനൊപ്പം ഇർഫാൻ പത്താനും! സിനിമയിൽ അരങ്ങേറ്റം കുറിക്കാൻ ഇന്ത്യൻ ക്രിക്കറ്റിലെ പ്രിയ താരം

മുൻ ഇന്ത്യൻ ക്രിക്കറ്റ് താരം ഇർഫാൻ പഠാൻ ചിയാൻ വിക്രം നായകനാകുന്ന തമിഴ് ചിത്രത്തിലൂടെ അഭിനയരംഗത്തേക്ക് കടക്കുകയാണ്. ഇതുവരെ പേര് പുറത്തുവിട്ടിട്ടില്ലാത്ത വിക്രമിന്‍റെ അമ്പത്തിയെട്ടാം ചിത്രത്തിലാണ് പഠാനും വേഷമിടുന്നത്. തുർക്കി പോലീസ് ഓഫീസർ ആയിട്ടാണ് ഇർഫാൻ പഠാൻ ചിത്രത്തിൽ വേഷമിടുന്നത്. എന്തുകൊണ്ട് ഈ വേഷത്തിലേക്ക് താനെന്ന ചോദ്യത്തിന് ‘ഞങ്ങൾക്ക് 100 ശതമാനം ഉറപ്പുണ്ട്’ എന്നായിരുന്നു അണിയറപ്രവർത്തകരുടെ മറുപടിയെന്ന് ഇർഫാൻ പഠാൻ പറഞ്ഞു.

ഇമെയ്കാ നൊഡികൾ, ഡിമോണ്ട് കോളനി എന്നീ ചിത്രങ്ങളുടെ സംവിധായകൻ അജയ് ജ്ഞാനമുത്തുവാണ് ഈ ചിത്രം സംവിധാനം ചെയ്യുന്നത്. വ്യത്യസ്തമായ 25 ഗെറ്റപ്പുകളിലാണ് വിക്രം ചിത്രത്തിൽ എത്തുന്നത്. പ്രിയ ഭവാനി ശങ്കർ നായികയായി എത്തുന്ന ചിത്രത്തിന് സംഗീതം പരകരുന്നത് എ ആർ റഹ്മാനാണ്. 2020ൽ ചിത്രം തിയറ്ററുകളിൽ എത്തും.