നസ്രിയയുടെ തിരിച്ചുവരവ് ചിത്രത്തിന്റെ പേര് ‘കൂടെ’ !! ആശംസകൾ നേർന്ന് ഫഹദ് ഫാസിലും

പൃഥ്വിരാജിനെ നായകനായി അഞ്ജലി മേനോന്‍ ഒരുക്കുന്ന ചിത്രത്തിന് കൂടെ എന്നുപേരിട്ടു. ചിത്രത്തിന്‍െ പേര് പ്രഖ്യാപിച്ചതിനൊപ്പം ഫസ്റ്റ് ലുക്ക് പോസ്റ്ററും പുറത്തുവിട്ടു.

ചിത്രത്തിലെ നായിക പാര്‍വതിയാണ്. നസ്രിയയും പ്രധാന വേഷത്തിലെത്തുന്നു. പൃഥ്വിരാജിന്റെ കഥാപാത്രത്തിന്റെ സഹോദരിയായാണ് നസ്രിയ എത്തുന്നത്.

അതുല്‍ കുല്‍ക്കര്‍ണിയും ചിത്രത്തില്‍ പ്രധാന വേഷത്തിലെത്തുന്നു. ചിത്രത്തില്‍ രണ്ടു വ്യത്യസ്ത ലുക്കിലാണ് പൃഥ്വിരാജ് പ്രത്യക്ഷപ്പെടുന്നത്.ചിത്രത്തിനു വേണ്ടി ഗാനങ്ങള്‍ ഒരുക്കുന്നത് എം. ജയചന്ദ്രനാണ്. ജൂലായ് 6നു ചിത്രം പ്രദര്‍ശനത്തിനെത്തും.

നേരത്തെ മഞ്ചാടിക്കുരു, ബാംഗ്ലൂര്‍ ഡെയ്‌സ് തുടങ്ങിയ ചിത്രങ്ങള്‍ അഞ്ജലി മേനോന്‍ സംവിധാനം ചെയ്തിട്ടുണ്ട്.
സൂപ്പര്‍ ഹിറ്റ് ചിത്രം ഉസ്താദ് ഹോട്ടലിന്റെ തിരക്കഥ അഞ്ജലി മേനോന്റേതായിരുന്നു.

ചിത്രത്തിന് ആശംസകളുമായി ഫഹദ് ഫാസിൽ ഇപ്പോൾ രംഗത്ത് വന്നിരിക്കുകയാണ്.മുൻപ് ഒരിക്കലും ഞാൻ ഒരു പോസ്റ്റർ ഇത്രയും ആവേശത്തോടെ ഷെയർ ചെയ്തിട്ടില്ല.എന്റെ പ്രിയതമ സിനിമയിലേക്ക് തിരിച്ചു വരുന്ന ഈ ചിത്രം എന്നെ ഏറെ ആവേശം കൊള്ളിക്കുന്നു,എല്ലാവർക്കും ആശംസകൾ ,ഫഹദ് ഫേസ്‍ബുക്കിൽ കുറിച്ചു.