റിലീസിന് മുമ്പ് വൈശാഖ് പറഞ്ഞ ആ വാക്കുകൾ യാഥാർഥ്യമായി ! മധുരരാജ മെഗാഹിറ്റ്

ആദ്യമായി 100 കോടി ക്ലബ്ബിൽ കയറുന്ന മമ്മൂട്ടി ചിത്രം മധുരരാജ ആണ്.മോഹൻലാൽ നായകനായി എത്തിയ പുലിമുരുകനും ലൂസിഫറിനും ശേഷം 100 കോടി ക്ലബ്ബിൽ കയറുന്ന ചിത്രമാണ് മധുരാജ. 45 ദിവസങ്ങൾ കൊണ്ടാണ് ചിത്രം 100 കോടി ക്ലബ്ബിൽ ഇടം നേടിയത്.പത്തുവർഷം മുൻപ് മമ്മൂട്ടിയും പൃഥ്വിരാജും മുഖ്യവേഷത്തിലെത്തിയ പോക്കിരിരാജയുടെ രണ്ടാം ഭാഗമാണ് വൈശാഖ് ഒരുക്കിയ മധുരരാജ. സിനിമകൾ പുറത്തിറങ്ങുന്നതിനു മുൻപ് തന്നെ അതിനെ ഡീഗ്രേഡ് ചെയ്തു കൊണ്ടുള്ള കമന്റുകൾ സോഷ്യൽ മീഡിയയിൽ വൈറലാകുന്നത് ഇപ്പോൾ പതിവാണ്.

അണിയറ പ്രവർത്തകർ അതിനുവേണ്ട മറുപടിയും നൽകാറുണ്ട്. മധുരരാജയുടെ റിലീസിംഗ് സമയത്ത് വൈശാഖിന്റെ ഫേസ്ബുക്ക് പേജിൽ ഇത്തരമൊരു ഡി ഗ്രേഡിങ് കമന്റ് എത്തിയിരുന്നു. അതിന് ചുട്ട മറുപടി നൽകിയ വൈശാഖിന്റെ പോസ്റ്റ് മമ്മൂട്ടിയും അണിയറപ്രവർത്തകരും വൈറലാക്കിയിരുന്നു. മധുരരാജ എട്ടുനിലയിൽ പൊട്ടും എന്നുള്ള കമന്റിന് ചേട്ടൻ ഇവിടെയൊക്കെ തന്നെ കാണില്ലെ എന്നായിരുന്നു വൈശാഖിന്റെ മറുപടി. ഇപ്പോൾ ആ കമന്റിനെ കളിയാക്കി കൊണ്ടുള്ള ആരാധകരുടെ നിരവധി കമന്റുകൾ അതിനു പിന്നാലെ എത്തിയിരിക്കുകയാണ്.