സോഷ്യൽ മീഡിയയിൽ വീണ്ടും ഒടിയൻ മാജിക് സൃഷ്ടിച്ചു കൊണ്ട് മോഹൻലാൽ തന്റെ പുതിയ ലുക്ക് പുറത്തു വിട്ടിരിക്കുകയാണ്. വി എ ശ്രീകുമാർ മേനോൻ ഒരുക്കുന്ന മെഗാ ബജറ്റ് ചിത്രമായ ഒടിയൻ ഇപ്പോൾ അതിന്റെ ഫൈനൽ ഷെഡ്യൂൾ ആരംഭിച്ചു കഴിഞ്ഞു. പാലക്കാട് ചിത്രീകരണം പുരോഗമിക്കുന്ന ഈ ചിത്രത്തിന്റെ ഫൈനൽ ഷെഡ്യൂളിൽ മീശ വടിച്ച ഗെറ്റപ്പിൽ ആണ് മോഹൻലാൽ അഭിനയിക്കുന്നത്. മുപ്പത്തഞ്ചു വയസുള്ള ഒടിയൻ മാണിക്യന്റെ ജീവിതമാണ് ഈ ഷെഡ്യൂളിൽ ചിത്രീകരിക്കുന്നത്. ഇപ്പോൾ ഒടിയൻ മാണിക്യന്റെ പുതിയ ലുക്ക് മോഹൻലാൽ തന്നെ ഒഫീഷ്യൽ ഫേസ്ബുക് പേജ് വഴി റിലീസ് ചെയ്തു കഴിഞ്ഞു. ആ ചിത്രം പുറത്തു വന്ന നിമിഷം മുതൽ ഒരിക്കൽ കൂടി ഒടിയൻ മാണിക്യൻ സോഷ്യൽ മീഡിയ ഭരിക്കുകയാണ് എന്ന് തന്നെ പറയാം. പുറത്തു വന്ന നിമിഷം മുതൽ എല്ലാവരുടെയും ചർച്ചാ വിഷയമായി കഴിഞ്ഞു ഈ ലുക്ക്.
ഇരുവർ, വാനപ്രസ്ഥം എന്നീ ചിത്രങ്ങളിൽ നമ്മൾ കണ്ട ആ മീശ വടിച്ച യുവാവായ മോഹൻലാലിനെയാണ് ഒടിയൻ ലുക്കിലും കാണാൻ സാധിക്കുന്നത്. ശരീര ഭാരം കുറച്ചു ഫിറ്റ് ബോഡിയുമായി ഒടിയൻ മാണിക്യനായി മോഹൻലാൽ തകർത്താടാൻ പോകുന്ന ചിത്രമാണ് ഒടിയൻ എന്ന് അണിയറപ്രവർത്തകർ പറയുന്നു. മാണിക്യൻ എന്ന കഥാപാത്രത്തിന്റെ രണ്ടു കാലഘട്ടങ്ങൾ ആണ് പ്രധാനമായും ഈ ചിത്രത്തിലൂടെ പറയുന്നത്. അറുപതുകാരനായ ഒടിയൻ മാണിക്യന്റെ ഭാഗങ്ങൾ കഴിഞ്ഞ വർഷം ചിത്രീകരിച്ചിരുന്നു. പ്രകാശ് രാജ്, മഞ്ജു വാര്യർ, നരെയ്ൻ, ഇന്നസെന്റ് തുടങ്ങി ഒരു വമ്പൻ താര നിര തന്നെ ഈ ചിത്രത്തിൽ അണി നിരക്കുന്നുണ്ട്. ഈ ചിത്രത്തിന് വേണ്ടി മോഹൻലാൽ- പീറ്റർ ഹെയ്‌ൻ ടീം ഒരുക്കുന്നത് അതിസാഹസികമായ സംഘട്ടന രംഗങ്ങൾ ആണ്. പീറ്റർ ഹെയ്‌നും ഇപ്പോൾ ഫൈനൽ ഷെഡ്യൂളിൽ ജോയിൻ ചെയ്തു കഴിഞ്ഞു. ഇനി അറുപതു ദിവസത്തെ ചിത്രീകരണം കൂടി ബാക്കിയുള്ള ഈ ചിത്രം ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ ആണ് നിർമ്മിക്കുന്നത്.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…