സുഡാനിക്ക് ശേഷം കണ്ട ഏറ്റവും മികച്ച ചിത്രമാണ് തമാശ; നിർമാതാവ് ആഷിക് ഉസ്മാന്റെ പോസ്റ്റ് വൈറലാകുന്നു

വിനയ് ഫോർട്ട് നായകനായെത്തുന്നു ഏറ്റവും പുതിയ ചിത്രമാണ് തമാശ. ചിത്രത്തിൽ ഫസ്റ്റ് ലുക്ക് പോസ്റ്റർ കഴിഞ്ഞ ആഴ്ച പുറത്തുവിട്ടിരുന്നു.വിനയ് ഫോർട്ടിന്റെ ഗംഭീര മേക്ക് ഓവറാണ് ഏറ്റവും വലിയ ശ്രദ്ധാകേന്ദ്രം .ഷൈജു ഖാലിദ് സമീർ താഹിർ ലിജോ ജോസ് പെല്ലിശ്ശേരി ചെമ്പൻ വിനോദ് എന്നിവർ ചേർന്നാണ് ചിത്രം നിർമ്മിക്കുന്നത് നേരത്തെ ഷൈജു ഖാലിദ് സമീർ താഹിറും ചേർന്ന് സുഡാനി ഫ്രം നൈജീരിയ ആകാശം പച്ചക്കടൽ ചുവന്ന ഭൂമി എന്നീ ചിത്രങ്ങൾ നിർമ്മിച്ചിട്ടുണ്ട് ഇരുവർക്കും ഒപ്പം ഇപ്പോൾ ലിജോ ജോസ് പെല്ലിശ്ശേരി ചെമ്പൻ വിനോദും ചേർന്നിരിക്കുകയാണ്.അഷ്റഫ് ഹംസയാണ് സംവിധാനം.അദ്ദേഹത്തിന്റെ തന്നെയാണ് തിരക്കഥ.സമീർ താഹിർ ആണ് ഛായാഗ്രാഹകൻ.

ചിത്രത്തിൻറെ ആദ്യ റിപ്പോർട്ട് ഇപ്പോൾ പുറത്തുവന്നിരിക്കുകയാണ്. ചിത്രം കണ്ട നിർമാതാവ് ആഷിഖ് ഉസ്മാനാണ് ചിത്രത്തെക്കുറിച്ച് തൻറെ അഭിപ്രായം ഇപ്പോൾ തുറന്നു പറഞ്ഞിരിക്കുന്നത്. സുഡാനി ഫ്രം നൈജീരിയക്ക് ശേഷം സമീർ താഹിർ ഷൈജു ഖാലിദ് കൂട്ടുകെട്ടിൽ നിന്നും വരുന്ന ഏറ്റവും മികച്ച ചിത്രമാണ് തമാശ എന്ന് പറഞ്ഞുകൊണ്ടാണ് ആഷിക്ക് ഉസ്മാൻ തന്റെ പോസ്റ്റ് ആരംഭിക്കുന്നത്. എല്ലാത്തരം പ്രേക്ഷകർക്കും ആസ്വദിക്കാൻ പറ്റുന്ന തരത്തിൽ ഇങ്ങനെ ഒരു മികച്ച ഫീൽ ഗുഡ് ചിത്രം അടുത്ത കാലത്തൊന്നും ഞാൻ കണ്ടിട്ടില്ല എന്നും അദ്ദേഹം കുറിക്കുന്നു. ചിത്രത്തിലെ താരങ്ങൾക്കും അണിയറപ്രവർത്തകർക്കും അഭിനന്ദനവും നൽകുന്നുണ്ട് ആഷിക് ഉസ്മാൻ തന്റെ ഫേസ്ബുക്ക് പോസ്റ്റിൽ.