ആന്റണി വർഗീസ് പ്രധാന വേഷത്തിലെത്തുന്ന രണ്ടാമത്തെ ചിത്രമായ സ്വാതന്ത്ര്യം അർദ്ധരാത്രിയിൽ എന്ന ചിത്രത്തിന്റെ പോസ്റ്ററുകൾ ഇപ്പോൾ സോഷ്യൽ മീഡിയയിൽ വമ്പൻ ശ്രദ്ധയാണ് നേടിയെടുക്കുന്നത്. ലിജോ ജോസ് പെല്ലിശ്ശേരി ഒരുക്കിയ അങ്കമാലി ഡയറീസിലൂടെ നായകനായി അരങ്ങേറിയ ആന്റണി വർഗീസ് തന്റെ രണ്ടാമത്തെ ചിത്രവുമായി എത്തുമ്പോൾ പ്രതീക്ഷകൾ ഏറെയാണ്. ഈ ചിത്രത്തിന്റെ മോഷൻ പോസ്റ്ററും അതുപോലെ തന്നെ യുവ സൂപ്പർ താരം പൃഥ്വിരാജ് സുകുമാരൻ റിലീസ് ചെയ്ത ഫസ്റ്റ് ലുക്ക് പോസ്റ്ററും വമ്പൻ പ്രേക്ഷകാഭിപ്രായം നേടിയെടുത്തതിനൊപ്പം വലിയ പ്രതീക്ഷകളും സൃഷ്ടിച്ചിരുന്നു. അതിനു ശേഷം മറ്റു രണ്ടു മാസ്സ് പോസ്റ്റർ കൂടി റിലീസ് ചെയ്ത അണിയറ പ്രവർത്തകർ ഇപ്പോൾ റിലീസ് ചെയ്തിരിക്കുന്നത് ഒരു കൂൾ റൊമാന്റിക് പോസ്റ്റർ ആണ്. ആക്ഷനും ത്രില്ലും മാത്രമല്ല റൊമാന്സും ഉള്ള ഒരു കമ്പ്ലീറ്റ് എന്റെർറ്റൈനെർ ആയാണ് ഈ ചിത്രം ഒരുക്കിയിരിക്കുന്നത് എന്ന സൂചനയാണ് ഈ പോസ്റ്ററുകൾ തരുന്നത്.
ലിജോ ജോസ് പെല്ലിശ്ശേരിയുടെ സംവിധാന സഹായി ആയിരുന്ന ടിനു പാപ്പച്ചൻ ആദ്യമായി സംവിധാനം ചെയ്ത ചിത്രമാണ് സ്വാതന്ത്ര്യം അർദ്ധരാത്രിയിൽ. ഈ ചിത്രം നിർമ്മിച്ചിരിക്കുന്നത് സംവിധായകനായ ബി ഉണ്ണികൃഷ്ണനും സൂര്യ സിനിമയുടെ ബാനറിൽ ബി സി ജോഷിയുമാണ്. അതുപോലെ തന്നെ സംവിധായകനായ ലിജോ ജോസ് പെല്ലിശ്ശേരി, നടൻ ചെമ്പൻ വിനോദ് എന്നിവരും ഈ ചിത്രത്തിന്റെ സഹ നിർമ്മാതാക്കളാണ്. ദിലീപ് കുരിയൻ തിരക്കഥ രചിച്ചിരിക്കുന്ന ഈ ചിത്രത്തിന് ഗിരീഷ് ഗംഗാധരൻ ആണ് ദൃശ്യങ്ങൾ ഒരുക്കിയിരിക്കുന്നത്. ആന്റണി വർഗീസിനൊപ്പം വിനായകൻ, ചെമ്പൻ വിനോദ് എന്നിവരും വളരെ ശക്തമായ കഥാപാത്രങ്ങളെ ഈ ചിത്രത്തിൽ അവതരിപ്പിച്ചിട്ടുണ്ട്. ജേക്സ് ബിജോയ് സംഗീതമൊരുക്കിയ ഈ ചിത്രം എഡിറ്റ് ചെയ്തിരിക്കുന്നത് സമീർ മുഹമ്മദ് ആണ്. ഈ ചിത്രത്തിന് പശ്ചാത്തല സംഗീതം ഒരുക്കിയിരിക്കുന്നത് ദീപക് അലക്സാണ്ടർ ആണ്. മാർച്ച് അവസാന വാരം സ്വാതന്ത്ര്യം അർദ്ധരാത്രിയിൽ റിലീസ് ചെയ്യുമെന്നാണ് സൂചന.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…