12th man mohanlal jeethu joseph movie trailer
മോഹന്‍ലാലിനെ നായകനാക്കി ദൃശ്യം 2വിന് ശേഷം ജീത്തു ജോസഫ് ഒരുക്കുന്ന ചിത്രമാണ് ട്വൽത്ത് മാൻ. ‘ട്വല്‍ത്ത് മാന്‍’ ഒറ്റ ദിവസത്തെ സംഭവമാണ്. 14 കഥാപാത്രങ്ങളാണ് ചിത്രത്തിലുള്ളത്. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് ചിത്രം നിര്‍മിക്കുന്നത്. സിനിമയുടെ ആവേശകരമായ ട്രെയിലര്‍ പുറത്തിറങ്ങി. ദുരൂഹമായ ഒരു കൊലപാതകത്തിന്റെ കഥ പറയുന്ന ചിത്രം ഡിസ്‌നി+ഹോട്ട്സ്റ്റാര്‍ മെയ് 20ന് പ്രേക്ഷകര്‍ക്ക് മുന്നിലെത്തിക്കുന്നു.
മിസ്റ്ററിയാണ് ചിത്രത്തിന്റെ പശ്ചാത്തലം. 14 പേരോളം മാത്രമാണ് ചിത്രത്തിലുള്ളത്. ഒറ്റ ദിവസത്തെ സംഭവമാണ് കഥ. കെ.ആര്‍ കൃഷ്ണകുമാറിന്റേതാണ് തിരക്കഥ. അദിതി രവി, അനുശ്രീ, പ്രിയങ്ക നായര്‍, വീണാ നന്ദകുമാര്‍, ലിയോണ ലിഷോയ്, ശിവദ തുടങ്ങി അഞ്ചു നായികമാരാണ് ചിത്രത്തിലുള്ളത്. ഉണ്ണി മുകുന്ദനും സൈജു കുറുപ്പും അനു മോഹനും ചന്തുനാഥും തുടങ്ങി മലയാളത്തിലെ മുന്‍നിര താരങ്ങളെല്ലാം ചിത്രത്തില്‍ അഭിനയിക്കുന്നുണ്ട്.
എഡിറ്റിങ് – വി.എസ്. വിനായക്, ഛായാഗ്രഹണം – സതീഷ് കുറുപ്പ്, പശ്ചാത്തല സംഗീതം – അനില്‍ ജോണ്‍സണ്‍, പ്രൊഡക്ഷന്‍ കണ്‍ട്രോളര്‍ – സിദ്ധു പനയ്ക്കല്‍, കോസ്റ്റ്യൂംസ് – ലിന്റാ ജീത്തു. കോവിഡ് പ്രോട്ടോക്കോള്‍ പ്രകാരം സിനിമാ ചിത്രീകരണത്തിന് സര്‍ക്കാര്‍ അനുമതി നൽകിയതിന് ശേഷമാണ് സിനിമയുടെ ചിത്രീകരണം ആരംഭിച്ചത്. ഇടുക്കി ജില്ലയിലെ കുളമാവിലുള്ള ഒരു റിസോര്‍ട്ടാണ് ലൊക്കേഷന്‍. കൊച്ചിയും മറ്റൊരു ലൊക്കേഷനാണ്.
ജിത്തു ജോസഫിന്റെ സംവിധാനവും ത്രില്ലടിപ്പിക്കുന്ന തിരക്കഥയുമാണ് തന്നെ ഈ ചിത്രത്തിലേക്ക് ആകര്‍ഷിച്ചതെന്ന് മോഹന്‍ലാല്‍ പറഞ്ഞു. തങ്ങളൊരുമിച്ച മുന്‍കാല ചിത്രങ്ങള്‍ പോലെതന്നെ ഈ സിനിമയും പ്രേക്ഷകര്‍ക്ക് ആവേശം സമ്മാനിക്കുന്ന ഒരു ദൃശ്യവിരുന്ന് തന്നെയാവുമെന്ന് അദ്ദേഹം കൂട്ടിച്ചേര്‍ത്തു. പ്രധാന കഥാപാത്രത്തിന് മോഹന്‍ലാല്‍ എന്ന നടന്‍ നല്‍കിയ വ്യത്യസ്ത മാനങ്ങള്‍ ഈ സിനിമയുടെ ഏറ്റവും വലിയ ആകര്‍ഷണമാണെന്ന് ജിത്തു ജോസഫ് പ്രതികരിച്ചു. ചിത്രത്തിന്റെ സാങ്കേതിക മികവും തിരക്കഥയുടെ ബലവും അഭിനേതാ ക്കളുടെ മികച്ച പ്രകടനവും സംവിധായകന്‍ എന്ന നിലയില്‍ തന്റെ ആത്മവിശ്വാസം വര്‍ധിപ്പിക്കുന്നതായി അദ്ദേഹം പറഞ്ഞു.
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…
ജനപ്രിയ നായകൻ ദിലീപ് നായകനായി എത്തുന്ന പുതിയ ചിത്രം 'പവി കെയർ ടേക്കർ' ട്രയിലർ റിലീസ് ചെയ്തു. ഹാസ്യവും അതിനൊപ്പം…
സൂപ്പർ ഹിറ്റ് ആയിരുന്ന രാമലീല എന്ന ചിത്രത്തിന് ശേഷം ദിലീപിന് ഒപ്പം വീണ്ടും നടി രാധിക ശരത് കുമാർ. വിനീത്…
യുവനടൻമാരായ ധ്യാൻ ശ്രീനിവാസൻ, പ്രണവ് മോഹൻലാൽ, നിവിൻ പോളി എന്നിവരെ നായകരാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക്…