വമ്പൻ പ്രൊമോഷനുകളോ ഹൈപ്പോ ഇല്ലാതെ റിലീസിനെത്തി പ്രളയം പോലെ തന്നെ അപ്രതീക്ഷിതമായി അടിച്ചു കയറി മുന്നേറുകയാണ് 2018 എന്ന ചിത്രം. മലയാളത്തിലെ എക്കാലത്തെയും വലിയ ഒരു വിജയത്തിലേക്കാണ് ചിത്രം മുന്നേറിക്കൊണ്ടിരിക്കുന്നത്. മൗത്ത് പബ്ലിസിറ്റി കൊണ്ടാണ് ചിത്രം ഈ വലിയ വിജയം കൈവരിച്ചിരിക്കുന്നത്. ആദ്യദിവസം തന്നെ ഞെട്ടിക്കുന്ന പ്രതികരണമായിരുന്നു ചിത്രത്തിന് ലഭിച്ചത്. കേരളത്തിലെ അങ്ങോളമിങ്ങോളമുള്ള തിയറ്ററുകളിൽ നിറഞ്ഞ സ്വീകരണമായിരുന്നു ചിത്രത്തിന് മലയാളികൾ നൽകിയത്. രാത്രി വൈകിയും പുലർച്ചെയും മിക്ക തിയറ്ററുകളിലും എക്സ്ട്രാ ഷോകൾ നടന്നു. സംവിധായകൻ ജൂഡ് ആന്റണി ജോസഫിന്റെ പ്രയത്നം ഫലം കണ്ടു.
2018 ഒരിക്കലും ഒരു ദുരന്തത്തിന്റെ ഓർമപ്പെടുത്തലല്ല, മറിച്ച് കൈമെയ് മറന്ന് ജാതിയോ മതമോ നോക്കാതെ മലയാളി ഒറ്റക്കെട്ടായി നിന്ന് അതിജീവിച്ച റിയൽ കേരള സ്റ്റോറിയാണ് ഇത്. കുഞ്ചാക്കോ ബോബൻ, ടോവിനോ തോമസ്, ആസിഫ് അലി, നരേയ്ൻ, വിനീത് ശ്രീനിവാസൻ, ലാൽ, അജു വർഗീസ്, അപർണ ബാലമുരളി തുടങ്ങി നിരവധി യുവതാരങ്ങൾ അണിനിരന്ന ചിത്രം വലിയ പ്രമോഷനുകൾ ഒന്നുമില്ലാതെയാണ് റിലീസ് ആയത്. എന്നാൽ, ആദ്യ പ്രദർശനം കഴിഞ്ഞതിനു ശേഷം ലഭിച്ച മൗത്ത് പബ്ലിസിറ്റി ചിത്രത്തിന്റെ ഗതി തന്നെ മാറ്റി.
ഇപ്പോൾ ബോക്സോഫീസിൽ പുതിയൊരു ചരിത്രം കുറിച്ചിരിക്കുകയാണ് ചിത്രം. വീക്ക് ഡേ ആയിട്ട് പോലും ചൊവ്വാഴ്ച്ച ദിന കളക്ഷനിൽ മലയാളത്തിലെ എക്കാലത്തേയും വലിയ കളക്ഷൻ നേടിയിരിക്കുകയാണ് ചിത്രം. 4.05 കോടിയാണ് ഇന്നലെ മാത്രമായി ചിത്രം നേടിയത്. ചൊവ്വാഴ്ച്ച ദിനത്തിൽ മറ്റൊരു മലയാള സിനിമക്കും അവകാശപ്പെടാനില്ലാത്ത ഒരു റെക്കോർഡാണിത്. അഞ്ച് ദിവസങ്ങൾ കൊണ്ട് ഇരുപത് കോടിക്കടുത്താണ് ചിത്രം കളക്ഷൻ നേടിയിരിക്കുന്നത്. ഈ വെള്ളിയാഴ്ച്ച മുതൽ കൂടുതൽ തീയറ്ററുകളിലേക്ക് ചിത്രമെത്തും.
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…
ജനപ്രിയ നായകൻ ദിലീപ് നായകനായി എത്തുന്ന പുതിയ ചിത്രം 'പവി കെയർ ടേക്കർ' ട്രയിലർ റിലീസ് ചെയ്തു. ഹാസ്യവും അതിനൊപ്പം…
സൂപ്പർ ഹിറ്റ് ആയിരുന്ന രാമലീല എന്ന ചിത്രത്തിന് ശേഷം ദിലീപിന് ഒപ്പം വീണ്ടും നടി രാധിക ശരത് കുമാർ. വിനീത്…