ലാലേട്ടന് പോലും തകർക്കാനാവാത്ത അദ്ദേഹത്തിന്റെ തന്നെ 21 വർഷം പഴക്കമുള്ള റെക്കോർഡ്

റെക്കോർഡുകൾ ലാലേട്ടന്റെ കരിയറിൽ ഒരു പുതുമയല്ല. നിരവധി ഇൻഡസ്‌ട്രിയൽ ഹിറ്റുകളും കളക്ഷൻ റെക്കോർഡുകളുമായി മുന്നേറുന്ന ലാലേട്ടന്റെ കരിയറിൽ അദ്ദേഹം തന്നെ സ്ഥാപിച്ച ഒരു റെക്കോർഡ് 21 വർഷങ്ങൾക്കിപ്പുറവും ഭേദിക്കാനാവാതെ നിലനിൽക്കുന്നുണ്ട് എന്നുള്ളതാണ് അത്ഭുതാവഹമാണ്. പ്രിയദർശന്റെ സംവിധാനത്തിൽ മോഹൻലാൽ നായകനായ കാലാപാനി 1996ലാണ് തീയറ്ററുകളിലെത്തിയത്. ഇന്നും മലയാളസിനിമയുടെ ചരിത്രത്തിൽ ഏറ്റവും കൂടുതൽ തീയറ്ററുകളിൽ റിലീസ് ചെയ്യപ്പെട്ട ചിത്രമെന്ന റെക്കോർഡ് കാലാപാനിക്കാണ്. ഇന്ത്യയിലെ ബ്രിട്ടീഷ് ഭരണകാലത്ത് ആൻഡമാൻ നിക്കോബാർ ദ്വീപുകളിലെ കാലാപാനി എന്ന സെല്ലുലാർ ജയിലിൽ നടക്കുന്ന കഥയാണ് മോഹൻലാലിന്റെ തന്നെ നിർമ്മാണ കമ്പനിയായ പ്രണവ് ആർട്സ് നിർമിച്ച ഈ ചിത്രം പറയുന്നത്. 3 ദേശീയപുരസ്കാരങ്ങളും, 6 കേരളാ സംസ്ഥാന പുരസ്കാരങ്ങളും സ്വന്തമാക്കിയ ഈ ചിത്രം മലയാളത്തിലെ ആദ്യ “ഡോൾബി സ്ടീരിയോ” ചിത്രം എന്ന റെക്കോഡിന് പുറമെ 21 വര്‍ഷം മുൻപ് 450 തിയറ്ററുകളിലായി റിലീസ് ചെയ്തു എന്ന റെക്കോർഡും കരസ്ഥമാക്കിയിരുന്നു. ഇത്രയും വർഷങ്ങൾ കഴിഞ്ഞിട്ടും ആ റെക്കോർഡ് തകർക്കാൻ സാധിച്ചിട്ടില്ല. മോഹൻലാൽ തന്നെ നായകനായ വെളിപാടിന്റെ പുസ്‌തകം ഓൾ ഇന്ത്യ റിലീസ് 400 തീയറ്ററുകളിലാണ് നടത്തിയത്. അണിയറയിൽ ഒരുങ്ങുന്ന ഒടിയനും രണ്ടാമൂഴവുമെല്ലാം ആ റെക്കോർഡ് തകർക്കാൻ തക്ക ശക്തിയുള്ളവ തന്നെയാണ്.