“സ്റ്റാർട്ട് ആക്ഷൻ കട്ട്… ഇതിൽ ഏതാണ് മനസ്സിലാകാത്തത്” ധ്യാൻ ശ്രീനിവാസനെ ട്രോളി അജു വർഗീസിന്റെ ഫേസ്ബുക്ക് പോസ്റ്റ്

ചലച്ചിത്രതാരം ധ്യാൻ ശ്രീനിവാസൻ തിരക്കഥയും സംവിധാനവും നിർവഹിക്കുന്ന ചിത്രമാണ് ‘ലവ് ആക്ഷൻ ഡ്രാമ’. മലയാളത്തിലെ യുവതാരം നിവിൻ പോളിയും തെന്നിന്ത്യൻ താരറാണി നയൻതാരയും ആണ് ചിത്രത്തിലെ നായിക നായകന്മാർ. ചിത്രത്തിൽ നിവിൻ പോളി ദിനേശൻ എന്ന കഥാപാത്രത്തെയും നയൻതാര ശോഭ എന്ന കഥാപാത്രത്തെയുമാണ് അവതരിപ്പിക്കുന്നത്. ശ്രീനിവാസൻ, അജു വർഗീസ്, മല്ലികാ സുകുമാരൻ, ജൂഡ് ആന്റണി എന്നിവരാണ് മറ്റു പ്രധാന കഥാപാത്രങ്ങൾ. വർഷങ്ങൾക്കു മുൻപേ ധ്യാൻ തിരക്കഥ പൂർത്തിയാക്കിയ, അജു വർഗീസ് നിർമ്മിക്കുന്ന ഈ ചിത്രം അജുവർഗീസിന്റെ പ്രേരണ കൊണ്ടാണ് ഒടുവിൽ സിനിമയായത്.കഴിഞ്ഞ വർഷം അവസാനം റിലീസ് ചെയ്യേണ്ടിയിരുന്ന ചിത്രമാണ് ഇതെങ്കിലും നിവിന്റെ തിരക്കുകൾ മൂലം ചിത്രത്തിന്റെ ഷൂട്ടിംഗ് നീട്ടി വെക്കേണ്ടി വന്നു.

ഇപ്പോൾ സംവിധായകൻ ധ്യാൻ ശ്രീനിവാസനെ ട്രോളി ഫെയ്സ്ബുക്ക് പോസ്റ്റുമായി രംഗത്ത് എത്തിയിരിക്കുകയാണ് നിർമാതാവു കൂടിയായ അജുവർഗീസ്. ശ്രീനിവാസന് രംഗം നിർദ്ദേശിച്ചു കൊടുക്കുന്ന ധ്യാൻ ശ്രീനിവാസന്റെ ഫോട്ടോ പോസ്റ്റ് ചെയ്തത് നിനക്ക് ഇത് ഒക്കെ അറിയാമോ എന്ന് ക്യാപ്‌ഷനോട് കൂടിയാണ് ഫേസ്ബുക്ക് പോസ്റ്റ് ചെയ്തത്. “സ്റ്റാർട്ട് ആക്ഷൻ കട്ട് ഇതിൽ ഏതാണ് മനസ്സിലാവാത്തത്” എന്ന ശ്രീനിവാസന്റെ ഫേമസ് ഡയലോഗും പോസ്റ്ററിൽ അജുവർഗീസ് ചേർക്കുന്നുണ്ട്.പോസ്റ്റ് ചെയ്ത ഉടൻ തന്നെ സോഷ്യൽ മീഡിയയിൽ വൈറലാവുകയാണ് പോസ്റ്റ്ചിത്രത്തിന്റെ അവസാന ഷെഡ്യൂൾ ഷൂട്ട് ഇപ്പോൾ ചെന്നൈയിൽ നടക്കുകയാണ്.ഓണം റിലീസായി ചിത്രം തിയറ്ററുകളിലെത്തും.