വോട്ട് എണ്ണുമ്പോൾ തനിക്ക് മാത്രം വോട്ട് കൂടുന്നില്ല; കുപിതനായി പ്രകാശ് രാജ് ഇറങ്ങിപ്പോയി

ബെംഗളൂരു സെൻട്രലിൽ വോട്ടെണ്ണൽ നടന്നുകൊണ്ടിരിക്കുകയാണ്. ബിജെപി സ്ഥാനാർത്ഥിയായ പി എസ് മോഹനും കോൺഗ്രസിലെ റിസ്വാൻ അർഷാദും തമ്മിൽ കട്ടയ്ക്കു കട്ട പോരാട്ടം നടക്കുകയാണ്. അതേ മണ്ഡലത്തിലെ സ്വതന്ത്ര സ്ഥാനാർഥി ആണ് പ്രകാശ് രാജ്. ഓരോ റൗണ്ട് എണ്ണം കഴിയുമ്പോഴും ഫലങ്ങൾ വിളിച്ചുപറയുകയും സ്ക്രീനുകളിൽ അക്കങ്ങൾ ഏറിയും കുറഞ്ഞും വന്നുകൊണ്ടിരിക്കുന്നു. വോട്ടുകൾ കുറയുമ്പോഴും കൂടുമ്പോഴും അതത് പാർട്ടികളിലെ അണികൾ അവരുടെ ആഹ്ലാദങ്ങൾ പ്രകടിപ്പിക്കുന്നുണ്ട്. വളരെ സംഘർഷഭരിതമായ മനസ്സോടുകൂടി ആയിരുന്നു പ്രകാശ് രാജ് ഇതിനെയെല്ലാം നോക്കിക്കണ്ടത്.

തെരഞ്ഞെടുപ്പിന്റെ സമയത്തെല്ലാം മറ്റ് രണ്ട് സ്ഥാനാർഥികൾക്കൊപ്പം ഇദ്ദേഹവും വളരെ ആവേശത്തിലായിരുന്നു. എന്നാൽ പെട്ടി തുറന്ന് വോട്ടെണ്ണൽ തുടങ്ങിയപ്പോൾ വോട്ടെണ്ണൽ കേന്ദ്രത്തിന് പുറത്ത് സ്ക്രീനിൽ പഴയ ആവേശം ഒന്നും കണ്ടില്ല. മൂന്ന് റൗണ്ട് പിന്നിട്ടിട്ടും പ്രകാശ്‌രാജിന് നേരെയുള്ള സംഖ്യ 3000 ത്തിന് മുകളിൽ കയറുന്നില്ല. ആദ്യമൊക്കെ ശുഭാപ്തിവിശ്വാസത്തോടെ ഇരുന്ന പ്രകാശ് പിന്നീട് കുപിതനായി പോളിംഗ് കേന്ദ്രത്തിൽ നിന്നും ഇറങ്ങി തന്റെ വാഹനത്തിലേറി വീട്ടിലേക്ക് തിരിച്ചു പോയി. ഇപ്പോൾ ലീഡ് 20,000- വും പ്രകാശ് രാജിന്റെ വോട്ട് 10,000- വും ആണ്.