അനിയത്തിയുടെ ആ കമന്റ് എന്നെ അസ്വസ്ഥയാക്കി,അന്ന് ആ തീരുമാനം എടുത്തു ; ഫെയർനെസ് ക്രീമുകളുടെ പരസ്യത്തിൽ അഭിനയിക്കാത്തതിന്റെ കാരണം വെളിപ്പെടുത്തി സായ് പല്ലവി

ഫെയർനെസ് ക്രീമുകളുടെ പരസ്യത്തിൽ അഭിനയിക്കില്ലെന്ന തെന്നിന്ത്യൻ താരം സായി പല്ലവിയുടെ തീരുമാനം ഏറെ ശ്രദ്ധനേടിയിരുന്നു. അതിനു പിന്നിലെ കാരണം ഇപ്പോൾ വെളിപ്പെടുത്തിയിരിക്കുകയാണ് താരം. സ്വന്തം ജീവിത അനുഭവങ്ങൾ തന്നെയാണ് സൗന്ദര്യത്തെയും നിറത്തെയും കുറിച്ചുള്ള ഇപ്പോഴത്തെ നിലപാടിലേക്ക് സായിപല്ലവിയെ എത്തിച്ചത്.ഇപ്പോഴും തനിക്ക് അത്തരത്തിലുള്ള അരക്ഷിതാവസ്ഥകൾ ഉണ്ടെന്ന് തുറന്നുപറയുകയാണ് താരം.ഫെയർനസ് ക്രീം പരസ്യത്തിലൂടെ ലഭിക്കുന്ന വരുമാനം തനിക്ക് ആവശ്യമില്ലെന്നും തനിക്ക് ചുറ്റുമുള്ളവരുടെ സന്തോഷത്തിനാണ് പ്രാധാന്യം നൽകുന്നതെന്നും താരം വ്യക്തമാക്കി.

“ഇന്ത്യക്കാരുടെ നിറം ഇതാണ്. വിദേശികളുടെ നിറം അൽപം വെളുത്തതാണ്. അതു അവരുടെ നിറം.
ദക്ഷിണാഫ്രിക്കയിലുള്ളവരുടെ നിറം അൽപം ഇരുണ്ടതാണ്. അതൊക്കെ അവരുടെ വംശപാരമ്പര്യത്തിന്റെ ഭാഗമാണ്.അതിനർത്ഥം അവരൊന്നും ഭംഗിയില്ലാത്തവർ എന്നല്ലല്ലോ,” സായി പല്ലവി ചോദിക്കുന്നു. പ്രേമം എന്ന ചിത്രത്തിൽ അഭിനയിച്ചതിനു ശേഷമാണ് സൗന്ദര്യത്തെക്കുറിച്ചുള്ള സായി പല്ലവിയുടെ സങ്കല്പങ്ങൾ മാറിമറിഞ്ഞത്.പ്രേമം എന്ന ചിത്രം ചെയ്തില്ലായിരുന്നെങ്കിൽ മുഖക്കുരു മാറുന്നതിനായി താനും പലവിധ ഫെയർനസ് ക്രീമുകൾ ഉപയോഗിക്കുമായിരുന്നു എന്നും താരം പറഞ്ഞു.ഒരു പെൺകുട്ടി എന്ന നിലയിൽ നിരവധി അരക്ഷിതാവസ്ഥകൾ ഇപ്പോഴും തന്റെ മനസ്സിൽ ഉണ്ടെന്നും അതൊക്കെ മാറ്റുവാനാണ് തന്റെ ശ്രമം എന്നും താരം പറയുകയുണ്ടായി.