സെവൻത് ഡേ കൂട്ടുകെട്ട് വീണ്ടും; ടോവിനോ നായകനാകുന്ന ‘ഫോറൻസിക്ക്’ ഒരുങ്ങുന്നു

ടോവിനോ തോമസ് നായകനായെത്തുന്ന പുതിയ ചിത്രം പ്രഖ്യാപിച്ചു. ഫോറൻസിക് എന്ന് പേരിട്ടിരിക്കുന്ന ചിത്രം സംവിധാനം ചെയ്യുന്നത് സുജിത് വാസുദേവാണ്. ജെയിംസ് ആൻഡ് ആലീസ്, ഓട്ടോർഷ എന്ന ചിത്രത്തിനു ശേഷം സുജിത്ത് വാസുദേവ് സംവിധാനം ചെയ്യുന്ന ചിത്രമാണ് ഇത്. അനസ് ഖാനും അഖിൽ പോലും ചേർന്നാണ് ചിത്രത്തിന് തിരക്കഥ രചിച്ചിരിക്കുന്നത്.

ഇൻവെസ്റ്റിഗേഷൻ ത്രില്ലർ വിഭാഗത്തിൽപ്പെടുന്ന ചിത്രം ഒക്ടോബറിലാണ് ഷൂട്ടിംഗ് ആരംഭിക്കുക.സെവൻത് ഡേ
എന്ന ഹിറ്റ് ചിത്രത്തിലെ കൂട്ടുകെട്ട് വീണ്ടുമൊന്നിക്കുന്ന ഈ ചിത്രം മറ്റൊരു ഹിറ്റ് ചിത്രം കൂടിയായിരിക്കും എന്ന പ്രതീക്ഷയിലാണ് മലയാളസിനിമാലോകം.സെവൻത് ഡേയിലെ നായകൻ പൃഥ്വിരാജ് തന്റെ ഫേസ്ബുക്ക് പേജ് സിനിമയുടെ പ്രഖ്യാപനം അറിയിച്ചത്.

സയൻസ് ഓഫ് എ ക്രൈം എന്ന ടാഗ് ലൈനോട് കൂടിയാണ് ചിത്രം വരുന്നത്. ഒരു ഇൻവെസ്റ്റിഗേഷൻ സിനിമയ്ക്ക് ചേരുന്ന വിധത്തിലുള്ള ഫസ്റ്റ് പോസ്റ്ററാണ് അണിയറ പ്രവർത്തകർ ഇപ്പോൾ പുറത്തുവിട്ടിരിക്കുന്നത്. എന്തായാലും മലയാളസിനിമയ്ക്ക് ഓർത്തുവയ്ക്കാൻ ഭാഗത്തിന് മറ്റൊരു മികച്ച ത്രില്ലർ കൂടിയായിരിക്കും ഫോറൻസിക് എന്ന പ്രതീക്ഷയിലാണ് മലയാള സിനിമാലോകം.