സൂപ്പർ ഹിറ്റ് ചിത്രം 96 കൂട്ടുകെട്ട് വീണ്ടും ഒന്നിക്കുന്നു; വിജയ് സേതുപതി നായകൻ

പ്രേക്ഷകരുടെ മനം കവർന്ന ചിത്രമായിരുന്നു 96. 96 ടീം വീണ്ടും ഒന്നിക്കുന്നു എന്ന വാർത്ത ആരാധകരെ ഏറെ ആവേശം കൊള്ളിക്കുന്ന ഒന്നാണ്. തമിഴിന്റെ മക്കൾ സെൽവൻ വിജയ് സേതുപതി നായകനായി എത്തുന്ന പുതിയ ചിത്രം തുഗ്ലക് ദർബാർ സംവിധാനം ചെയ്യുന്നത് ഡൽഹി പ്രസാദ് ദീനദയാൽ എന്ന പുതുമുഖ സംവിധായകൻ ആണ്. 96 സംവിധാനം ചെയ്ത പ്രേംകുമാർ ആണ് ഈ ചിത്രത്തിന്റെ ക്യാമറ ചലിപ്പിക്കുന്നത്. 96 ലെ മനോഹരമായ ഗാനങ്ങൾ നമ്മുക്ക് സമ്മാനിച്ച ഗോവിന്ദ് വസന്ത സംഗീതം ഒരുക്കുന്ന തുഗ്ലക് ദർബാറിന്റെ സംവിധായകൻ ആയ ഡൽഹി പ്രസാദ് ദീനദയാൽ 96 എന്ന ചിത്രത്തിൽ പ്രേം കുമാറിന്റെ സഹ സംവിധായകൻ ആയി പ്രവർത്തിച്ചിരുന്നു.

ചിത്രത്തിൽ നായികയായി എത്തുന്നത് അദിതി റാവു ആണ്. സെവൻ സ്ക്രീൻ സ്റ്റുഡിയോ, വയാകോം 18 എന്നിവർ ചേർന്ന് നിർമ്മിക്കുന്ന ഈ ചിത്രം ഒരു പൊളിറ്റിക്കൽ സറ്റയർ ആയാണ് ഒരുക്കുന്നത് എന്നാണ് ലഭിക്കുന്ന റിപ്പോർട്ടുകൾ. ചിത്രം ഒരു കംപ്ലീറ്റ് മാസ്സ് എന്റർടെയ്നേർ ആയിരിക്കും. ചിത്രത്തിന്റെ തിരക്കഥ ഒരുക്കിയിരിക്കുന്നത് പ്രശസ്ത സംവിധായകൻ ആയ ബാലാജി തരുണീധരൻ ആണ്.