ഭർത്താവിനും മക്കൾക്കുമൊപ്പം രംഭയുടെ നാല്പത്തിനാലാം പിറന്നാൾ ആഘോഷം; ചിത്രങ്ങൾ കാണാം

തെന്നിന്ത്യൻ താരം ആണെങ്കിലും മലയാളികൾക്ക് ഏറെ പ്രിയപ്പെട്ട നടിയാണ് രംഭ. അഭിനയ ജീവിതത്തിൽ നിന്നും വിവാഹത്തിനുശേഷം വിട്ടുനിന്ന രംഭ ഇപ്പോൾ മൂന്ന് മക്കളുടെ അമ്മയാണ്. തന്റെ നാൽപ്പത്തിനാലാമത് ജന്മദിനം ആഘോഷിക്കുന്ന രംഭ അതിന്റെ ചിത്രങ്ങൾ സോഷ്യൽ മാധ്യമങ്ങളിലൂടെ ആരാധകർക്കായി പങ്കുവെച്ചിട്ടുണ്ട്. വളരെ ബോൾഡായ കഥാപാത്രങ്ങളെയാണ് രംഭ കൂടുതലായും അവതരിപ്പിച്ചിട്ടുള്ളത്. ക്രോണിക് ബാച്ചിലർ, കൊച്ചിരാജാവ്, മയിലാട്ടം, തുടങ്ങിയ ചിത്രങ്ങളിലൂടെ മലയാളത്തിലെ സൂപ്പർ നായകന്മാർക്കൊപ്പം താരം അഭിനയിച്ചു. മലയാളം, തെലുങ്ക്, തമിഴ്, ഹിന്ദി, കന്നഡ ,ഭോജ്പുരി, ബംഗാളി തുടങ്ങിയ ഭാഷകളിൽ സജീവമായിരുന്ന താരം 2007 ഇൽ പായും പുലി എന്ന മലയാള ചിത്രത്തിലാണ് അവസാനമായി അഭിനയിച്ചത്.

2010ലെ രംഭയുടെ വിവാഹത്തിന് ശേഷം സിനിമയിൽ നിന്നും ചെറിയ ഒരു ഇടവേള എടുത്ത താരം ഭർത്താവിനൊപ്പം കാനഡയിൽ സ്ഥിരതാമസമാക്കുകയായിരുന്നു. അഭിനയത്തിൽ നിന്ന് വിട്ടുനിന്നെങ്കിലും പിന്നീട് ടിവി റിയാലിറ്റി ഷോകളിൽ ജഡ്ജ് ആയി താരം എത്തിയിരുന്നു. വളരെ പ്രകൃതിരമണീയമായ ബീച്ച് റിസോർട്ട് പോലെ തോന്നിപ്പിക്കുന്ന ഒരു സ്ഥലത്ത് വെച്ചാണ് താരം പിറന്നാൾ ആഘോഷങ്ങൾ നടത്തിയത്. ഭർത്താവിനും മക്കൾക്കും ഒപ്പം ഉള്ള ചിത്രമാണ് ഇപ്പോൾ പങ്കുവെച്ചിരിക്കുന്നത്. അഭിനയ ജീവിതത്തിൽ നിന്ന് വിട്ടുനിൽക്കുകയാണ് എങ്കിലും താരം സോഷ്യൽ മാധ്യമങ്ങളിൽ സജീവമാണ്. കുട്ടികൾ പിറന്നതും തന്റെ ജീവിതവിശേഷങ്ങളും എല്ലാം താരം സോഷ്യൽ മീഡിയയിലൂടെ ആരാധകർക്കായി പങ്കുവയ്ക്കാറുണ്ട്.