“സെക്കൻഡ് ഷോയിൽ ഞാൻ എങ്ങനെ തുടങ്ങിയോ അതുപോലെ തന്നെ ആയിരിക്കും ഞാൻ പ്രൊഡ്യൂസ് ചെയ്യുന്ന സിനിമയും” പുതുമുഖങ്ങളെ മാറ്റാൻ ഉള്ള തീരുമാനത്തിനെതിരെ ദുൽക്കർ പറഞ്ഞ മറുപടി [VIDEO]

വേഫറെർ ഫിലിംസിന്റെ ബാനറിൽ ദുൽഖർ സൽമാനും ജേക്കബ് ഗ്രിഗറിയും ചേർന്ന് നിർമിക്കുന്ന പുതിയ ചിത്രമാണ് മണിയറയിലെ അശോകൻ. ചിത്രം ഈ തിരുവോണദിനമായ ആഗസ്റ്റ് 31ന് നെറ്റ്ഫ്ലിക്സിൽ റിലീസ് ചെയ്യാൻ ഒരുങ്ങുകയാണ്. ദുൽഖർ സൽമാൻ തന്നെയാണ്
ഇക്കാര്യം തന്റെ സോഷ്യൽ മീഡിയ പേജ് വഴി ഔദ്യോഗികമായി പുറത്തുവിട്ടത്. ചിത്രത്തിലെ ഗാനങ്ങൾ ഇതിനകം പ്രേക്ഷകർക്കിടയിൽ ഹിറ്റായിക്കഴിഞ്ഞു. നവാഗതനായ ഷംസു സായ്ബാ സംവിധാനം നിർവഹിക്കുന്ന ചിത്രത്തിൽ ഗ്രിഗറിയും അനുപമ പരമേശ്വരനുമാണ് പ്രധാന കഥാപാത്രങ്ങളെ അവതരിപ്പിക്കുന്നത്. ചിത്രത്തിന്റെ ട്രെയിലർ കഴിഞ്ഞ ദിവസം അണിയറ പ്രവർത്തകർ പുറത്ത് വിട്ടിരുന്നു.

ചിത്രത്തിലേക്ക് ദുൽഖർ സൽമാൻ എങ്ങനെ വന്നുവെന്നും ഈ ചിത്രത്തിന്റെ നിർമാണം ദുൽഖർ സൽമാൻ എങ്ങനെ ഏറ്റെടുക്കാൻ തയ്യാറായെന്നും വെളിപ്പെടുത്തുകയാണ് സംവിധായകൻ ഷംസു സായ്ബാ. ചിത്രത്തിന്റെ എല്ലാ മേഖലകളിലും നവാഗതരായ ആളുകൾ തന്നെ ആയതുകൊണ്ട് ചില ആളുകൾ ദുല്ഖറിനോട് ചില വിഭാഗം ആ മേഖലയിൽ വൈദഗ്ധ്യം ഉള്ള ആളുകളെ ഏൽപ്പിക്കണം എന്ന് പറഞ്ഞു. എന്നാൽ ദുൽഖറിന്റെ മറുപടി “അവരെല്ലാം പുതിയ ആളുകളാണ്,അതാണ് അതിന്റെ ഹൈലൈറ്റ്. സെക്കൻഡ് ഷോയിൽ ഞാൻ എങ്ങനെ തുടങ്ങിയോ അതുപോലെ തന്നെ ആയിരിക്കും ഞാൻ പ്രൊഡ്യൂസ് ചെയ്യുന്ന സിനിമയും” സംവിധായകൻ പറയുന്നു.

ഷൈൻ ടോം ചാക്കോ, കൃഷ്ണശങ്കർ, വിജയരാഘവൻ, ഇന്ദ്രൻസ്, സുധീഷ്, ശ്രീലക്ഷ്മി, നയന, ശ്രീദ ശിവദാസ് എന്നിങ്ങനെ വലിയൊരു താരനിര തന്നെ ചിത്രത്തിൽ അണിനിരക്കുന്നുണ്ട്. വിനീത് കൃഷ്ണൻ തിരക്കഥയും സജാദ് കാക്കു ഛായാഗ്രഹണവും അപ്പു ഭട്ടതിരി എഡിറ്റിങ്ങും ശ്രീഹരി കെ നായർ സംഗീതവും നിർവഹിക്കുന്നു. ഷിയാസ് അമ്മദ്കോയയുടേതാണ് രസകരമായ വരികൾ. അരുൺ എസ് മണി, വിഷ്ണു പിസി എന്നിവർ സൗണ്ട് ഡിസൈനും ജയൻ ക്രയോൺ പ്രൊഡക്ഷൻ ഡിസൈനറുമാണ്.