‘സത്യമാണ്, ഒരു വർഷം മുമ്പ് വിവാഹിതയായി, പക്ഷേ അത് രഹസ്യമാക്കി വെച്ചിട്ടില്ല’ – വിവാഹ ചിത്രങ്ങളുമായി നടി ഫ്രീദ പിന്റോ

ഒരു വർഷം മുമ്പ് വിവാഹിതയായതിന്റെ ചിത്രങ്ങൾ പങ്കുവെച്ച് നടി ഫ്രീദ പിന്റോ. ഇൻസ്റ്റഗ്രാമിലാണ് ചെറിയ ഒരു കുറിപ്പിനൊപ്പം വിവാഹചിത്രങ്ങൾ ഫ്രീദ പങ്കുവെച്ചത്. ‘അതെ, അത് സത്യമാണ്. ഒരു വർഷം മുമ്പ് ഞാൻ എന്റെ സ്വപ്നത്തിലെ ആ സുന്ദരനായ പുരുഷനെ വിവാഹം കഴിച്ചു. ഇല്ല, ഞങ്ങൾ അത് രഹസ്യമായി മറ്റും സൂക്ഷിച്ചില്ല. ഞങ്ങൾ ജീവിതം ആസ്വദിക്കുകയായിരുന്നു ചോദിക്കുന്നവരോടൊക്കെ സന്തോഷത്തോടെ വാർത്ത പങ്കിടുകയും ചെയ്തു.’

‘ശരിയായ അളവിലുള്ള ആസൂത്രണത്തിലൂടെ സ്വാഭാവികതയെ സന്തുലിതമാക്കുന്നതിൽ @coryt ഉം ഞാനും വളരെയധികം വിശ്വസിക്കുന്നു. ഒരു ദിവസം അത് വളരെ ശരിയാണെന്ന് തോന്നി, അത് ദ്യോഗികമാക്കണമെന്ന് ഞങ്ങൾ തീരുമാനിച്ചു. ഇത് വളരെ സവിശേഷവും രസകരവുമായി തോന്നി, നമുക്ക് സത്യസന്ധത പുലർത്താം … ഇത് നമ്മുടെ ലോകത്തിലെ സമയത്തെ തികച്ചും പ്രതിഫലിപ്പിച്ചു! ഹോണ്ട സെന്ററിന് ഇപ്പോൾ നമ്മുടെ ജീവിതത്തിൽ ഒരു പുതിയ അർത്ഥമുണ്ട്’ – ഭർത്താവ് കോറി ട്രാന് ഒപ്പമുള്ള ചിത്രങ്ങൾ പങ്കുവെച്ച് കൊണ്ട് ഫ്രീദ പിന്റോ കുറിച്ചു.

ഫ്രീദയും കോറി ട്രാനും തങ്ങളുടെ ആദ്യകുഞ്ഞിനെ പ്രതീക്ഷിച്ചിരിക്കുകയാണ്. ബേബി ഷവറിന്റെയും മറ്റും ചിത്രങ്ങൾ ഫ്രീദ നേരത്തെ സോഷ്യൽ മീഡിയയിൽ പങ്കുവെച്ചിരുന്നു. സ്ലംഡോഗ് മില്യണയർ എന്ന സിനിമയിലൂടെ ശ്രദ്ധേയായ നടിയാണ് ഫ്രീദ പിന്റോ. ചുരുങ്ങിയ കാലം കൊണ്ട് തന്നെ മികച്ച സിനിമകളുടെ ഭാഗമാകാൻ സാധിച്ച നടി ആദ്യകാലങ്ങളിൽ സ്ലംഡോഗ് മില്യണയറിൽ ഒപ്പമുണ്ടായിരുന്ന ദേവ് പട്ടേലുമായി പ്രണയത്തിൽ ആയിരുന്നു. അതിനു ശേഷമാണ് കോറി ട്രാനുമായി അടുത്തത്.