‘ആ മുഖം’ ഫസ്റ്റ്ലുക്ക് പോസ്റ്റർ പുറത്ത്; ചിത്രത്തിലെ ‘ആ മുഖമായി’ പ്രിയങ്ക നായർ മാത്രം

ഒരേ ഒരു കഥാപാത്രവുമായി വീണ്ടും ഒരു സിനിമ എത്തുന്നു. ഹ്രസ്വചിത്രങ്ങളിലൂടെ ശ്രദ്ധ നേടിയ അഭിലാഷ് പുരുഷോത്തമൻ ആണ് ചിത്രതതിന്റെ രചനയും സംവിധാനവും. മികച്ച നടിക്കുള്ള സംസ്ഥാന അവാർഡ് നേടിയ പ്രിയങ്ക നായരാണ് ‘മീര’ എന്ന ഏറെ അഭിനയപ്രാധാന്യമുള്ള കഥാപാത്രത്തെ അവതരിപ്പിക്കുന്നത്. ചിത്രത്തിന്റെ ഫസ്റ്റ് ലുക്ക് പോസ്റ്റർ മലയാളത്തിലെ സൂപ്പർ താരങ്ങൾ അവരുടെ സോഷ്യൽമീഡിയയിലൂടെ റിലീസ് ചെയ്തു.

സ്കിസോഫ്രീനിയ എന്ന മാനസികരോഗം ബാധിച്ച് ഒറ്റപ്പെട്ടു പോയ ഒരു സ്ത്രീ നേരിടുന്ന പ്രശ്നങ്ങളും അവരുടെ അതിജീവനവുമാണ് ചിത്രം പറയുന്നത്. ഫസ്റ്റ് ലുക്ക് പോസ്റ്ററിൽ പ്രിയങ്ക കമിഴ്ന്നു കിടക്കുന്ന ചിത്രമാണുള്ളത്. മമ്മൂട്ടി, മോഹൻലാൽ, സുരേഷ് ഗോപി എന്നിവർ ഉൾപ്പെടെയുള്ള സൂപ്പർ താരങ്ങളാണ് ഫസ്റ്റ് ലുക്ക് പോസ്റ്റർ റിലീസ് ചെയ്തത്. ചിത്രം തമിഴിലും മലയാളത്തിലുമായാണ് ഒരുങ്ങുന്നത്.

ചിത്രത്തിന്റെ നിർമാണം നബീഹ മൂവി പ്രൊഡക്ഷന്റെ ബാനറിൽ തമിഴ്, മലയാളം അഭിനേതാവായ നുഫൈസ് റഹ്മാൻ ആണ്. പ്രതാപ് പി നായർ – ഛായാഗ്രഹണം, ശബ്ദലേഖനം – ടി കൃഷ്ണനുണ്ണി, എഡിറ്റിംഗ് – സോബിൻ കെ സോമൻ. ശ്യാം കെ വാര്യരിന്റെ വരികൾക്ക് ദീപാങ്കുരൻ ആണ് സംഗീതം നൽകിയിരിക്കുന്നത്. സിത്താര കൃഷ്ണകുമാർ, ദീപാങ്കുരൻ എന്നിവരാണ് ഗാനങ്ങൾ ആലപിക്കുന്നത്. മേക്കപ്പ് – സുമ ജി, വസ്ത്രാലങ്കാരം – ആനു നോബി, കലാസംവിധാനം – ഷിബു മച്ചൽ, ചീഫ് അസോസിയേറ്റ് – ശ്യാം പ്രേം, നൃത്തസംവിധാനം – രാജേശ്വരി സുബ്രഹ്മണ്യം, എഫക്റ്റ്സ് – രാജ് മാർത്താണ്ഡം, കളറിസ്റ്റ് – മഹാദേവൻ.