ഉള്ളി കഴിക്കരുത്, മദ്യപികരുത്,മൂന്ന് നേരം ഭക്ഷണം പാകം ചെയ്യണം;ഭർത്താവിനെക്കുറിച്ച് വിചിത്ര സങ്കല്പങ്ങളുമായി ആദാ ശർമ്മ

ഭാവി ഭർത്താവിനെക്കുറിച്ച് വിചിത്രമായ സങ്കൽപ്പങ്ങളൾ തുറന്ന് പറഞ്ഞ് നടി ആദാ ശർമ്മ. തന്റെ ഈ സങ്കല്പങ്ങളെല്ലാം ഒത്തുവരുന്ന പുരുഷനെ മാത്രമേ വിവാഹം ചെയ്യുകയുള്ളൂ എന്നും നടി പറയുന്നു.
ട്വിറ്ററിൽ കൂടിയാണ് നടി തന്റെ സങ്കൽപ്പങ്ങൾ തുറന്ന് പറഞ്ഞിരിക്കുന്നത്.ട്വീറ്റ് ഇതിനോടകം വൈറലായി കഴിഞ്ഞു.

ട്വീറ്റ് ചുവടെ:

എന്റെ ഭർത്താവ് ഉള്ളി കഴിക്കരുത്. ജാതി, മതം, നിറം, ഷൂവിന്റെ അളവ്, മസിലിന്റെ വലിപ്പം, ഇൻസ്റ്റാഗ്രാമിൽ ഫോളോവേഴ്സിന്റെ എണ്ണം അതിലൊന്നും എനിക്ക് നിർബന്ധമില്ല. നീന്തൽ അറിയണമെന്ന നിർബന്ധവും എനിക്കില്ല. മൂന്ന് നേരവും ഭക്ഷണം പാകം ചെയ്ത് ചിരിക്കുന്ന മുഖത്തോട് കൂടി എനിക്ക് വിളമ്പിത്തരണം. എല്ലാ ദിവസവും മുഖം ഷേവ് ചെയ്യണം.

പരമ്പരാഗത ഇന്ത്യൻ വസ്ത്രങ്ങൾ മാത്രമേ ധരിക്കാവൂ. ഒരു ദിവസം അഞ്ച് ലിറ്റർ വെള്ളം ഞാൻ കുടിക്കാൻ കൊടുക്കും അതുകൊണ്ടു തന്നെ മദ്യപിക്കാനോ മാംസാഹാരം കഴിക്കാനോ പാടില്ല. ഇന്ത്യയിലെ എല്ലാ ഭാഷകളെയും അദ്ദേഹം ബഹുമാനിക്കണം. എല്ലാ ഭാഷയിലുള്ള സിനിമകളും അദ്ദേഹം കാണണം, ആസ്വദിക്കണം, ബാക്കിയുള്ള നിബന്ധനകൾ വഴിയെ പറയാം- ആദാ ശർമ കുറിച്ചു.