“‘സെക്‌സ് ഈസ് നോട്ട് എ പ്രോമിസ്’ എന്ന് നായിക പറയേണ്ടി വന്നത് ഇന്നത്തെ മാറ്റം കൊണ്ട് തന്നെയാണ്” ആഷിഖ് അബു

ശക്തമായ നിലപാടുകൾ ജീവിതത്തിലും സിനിമയിലും എടുക്കുന്ന ആഷിഖ് അബു മനസ്സ് തുറന്ന് സംസാരിക്കുന്നു. മനോരമ ന്യൂസ് കോൺക്ലേവിലാണ് ആഷിഖ് അബു മനസ്സ് തുറന്നത്. ന്യൂജെൻ സിനിമ എന്ന കാഴ്ചപ്പാടോട് എതിർപ്പുണ്ടെന്നും നല്ല സിനിമ മോശം സിനിമ എന്ന വേർതിരിവുകൾ മാത്രമേ സിനിമയിൽ ഉണ്ടാകൂ എന്ന് സംവിധായകൻ പറഞ്ഞു. ഇന്നത്തെ സിനിമയിലെ സീനുകളും ഡയലോഗുകളും കാലത്തിന്റെ മാറ്റത്തെയാണ് സൂചിപ്പിക്കുന്നതെന്നും അതിനെ ന്യൂ ജനറേഷൻ എന്ന് വിളിക്കുന്നത് ശരിയല്ലെന്നും ആഷിഖ് അബു അഭിപ്രായപ്പെട്ടു. കാലാന്തരമായി ഉണ്ടാകുന്ന ഈ മാറ്റം കൊണ്ടാണ് ‘സെക്‌സ് ഈസ് നോട്ട് എ പ്രോമിസ്’ എന്ന് നായിക പറയേണ്ടി വന്നതെന്നും സംവിധായകൻ തുറന്നു പറഞ്ഞു. സ്ത്രീ വിരുദ്ധത, ദളിത് വിരുദ്ധത എന്നീ പരാമർശങ്ങൾ ഇന്റർനെറ്റ് വരവോടു കൂടിയാണ് ഓഡിറ്റിംഗ് ചെയ്യപ്പെടുന്നതെന്നും അദ്ദേഹം കൂട്ടിച്ചേർത്തു. അത്തരത്തിൽ ഉള്ള ചിത്രങ്ങൾ എടുക്കാൻ തനിക്ക് ആരുടേയും ലൈസൻസ് വേണ്ടായെന്നും അദ്ദേഹം തറപ്പിച്ചു പറഞ്ഞു.