“ഗോപി സുന്ദറിൻറെ കീപ്പ് എന്നോ കാമുകി എന്നോ കുലസ്ത്രീ എന്നോ നിങ്ങൾക്ക് വിളിക്കാം” ഗോപി സുന്ദറുമായുള്ള ബന്ധം തുറന്ന് പറഞ്ഞ് അഭയ ഹിരണ്മയി

ഗായികയായ അഭയ ഹിരണ്മയിയുമൊന്നിച്ച് പല പൊതുവേദികളിലും ഗോപി സുന്ദറിനെ പ്രേക്ഷകർ കാണാറുണ്ട്. അപ്പോഴെല്ലാം പല സംശയങ്ങളും ഉണ്ടാകാറുണ്ട്. ഇപ്പോൾ അതിനെല്ലാം മറുപടിയുമായി അഭയ തന്നെ മുന്നോട്ട് വന്നിരിക്കുകയാണ്. സോഷ്യൽ മീഡിയ വഴിയാണ് ഇക്കാര്യം അഭയ വെളിപ്പെടുത്തിയിരിക്കുന്നത്.

2008 മുതൽ 2019 വരെ… പൊതുവേദികളിൽ ഞങ്ങൾ ഒരുമിച്ചു ഒട്ടേറെ തവണ എത്തിയിട്ടുണ്ടെങ്കിലും ഞങ്ങൾ തമ്മിലുള്ള ബന്ധത്തെ കുറിച്ച് ഞാൻ ഇത് വരെ തുറന്ന് പറഞ്ഞിട്ടില്ല. അതേ.. നിയമപരമായി വിവാഹം എന്ന കെണിയിൽ വീണ് കിടക്കുന്ന ഒരു വ്യക്തിയുമായി ഞാൻ കഴിഞ്ഞ 8 വർഷമായി ലിവിങ് ടുഗെദർ ബന്ധത്തിലാണ്. എന്റെ വിവാഹം ഇതേവരെ കഴിഞ്ഞിട്ടില്ല.
ഞങ്ങൾ തമ്മിൽ 12 വയസ്സിന്റെ വ്യത്യാസമുണ്ട്. ആകാരം കൊണ്ട് അദ്ദേഹം വലിയൊരു മനുഷ്യനാണ്. ഞാൻ അദ്ദേഹത്തിന്റെ മുൻപിൽ വളരെ ചെറുതും. ഞങ്ങൾ തമ്മിൽ പല തരത്തിലുമുള്ള വ്യത്യാസങ്ങൾ ഉണ്ടെങ്കിലും ഓരോ നിമിഷവും ആസ്വദിച്ച് സന്തോഷത്തോടെയാണ് ഞങ്ങൾ ജീവിക്കുന്നത്.
അതുകൊണ്ട് തന്നെ മഞ്ഞപത്രങ്ങൾക്കും മഞ്ഞചാനലുകൾക്കും എന്നെ കീപ്പ് എന്നോ കാമുകി എന്നോ കുലസ്ത്രീയെന്നോ കുടുംബം കലക്കിയെന്നോ വിളിക്കാം. ഞാൻ ഓടിയോടി മടുത്തു. എനിക്കിനി ആരെയും ഒന്നിനേയും പേടിയില്ല. അതുകൊണ്ട് നിങ്ങളുടെ വിധിയെഴുത്തിനായി എന്റെയും ഗോപി സുന്ദറിന്റെയും പേജുകൾ തുറന്നിടുന്നു. ഇവിടെ നിങ്ങൾ ഇടുന്ന പൊങ്കാലയാണോ അതോ ആറ്റുകാലിൽ ഞാൻ ഇടുന്ന പൊങ്കാലയാണോ നല്ലതെന്ന് നമുക്ക് നോക്കാം. എല്ലാവർക്കും വേണ്ടി ഞാൻ പ്രാർത്ഥിക്കാം.