മോഹൻലാലിനോട് ഒരു കഷണം ചിക്കൻ ചോദിക്കുന്ന സോമൻ; നൊസ്റ്റു ഉണർത്തുന്ന ചിത്രവുമായി ബാബു ആന്റണി

സോഷ്യൽ മീഡിയയിൽ നടൻ ബാബു ആന്റണി പങ്കുവെച്ച ഒരു പഴയകാല ചിത്രം നിമിഷനേരം കൊണ്ട് വൈറലായി മാറിയിരിക്കുകയാണ്. ഫോട്ടോയിൽ ബാബു ആന്റണിക്ക് ഒപ്പം മോഹൻലാലും സോമനും ആണ് ഉള്ളത്. ‘ഒരു കഷണം ചിക്കൻ താ ലാലേ’ എന്ന അടിക്കുറിപ്പോടെയാണ് ബാബു ആന്റണി ചിത്രം പങ്കുവെച്ചിരിക്കുന്നത്. ശരിക്കുമുള്ള ജീവിതത്തിൽ നിന്നുള്ള ഒരു സീൻ, കുറേ കാലം മുമ്പ് മോഹൻലാലിനും സോമേട്ടനും ഒപ്പം എന്നുകൂടി അടിക്കുറിപ്പിൽ കുറിച്ചിട്ടുണ്ട്.

നിരവധി പേരാണ് ഈ ചിത്രം ഷെയർ ചെയ്തത്. രസകരമായ ഒട്ടനവധി കമന്റുകളാണ് ചിത്രത്തിന് ലഭിച്ചിരിക്കുന്നത്. ‘ഫോട്ടോയിൽ ആയാലും, ജീവിതത്തിൽ ആയാലും കള്ളം പാടില്ല ബാബുവേട്ടാ’, ‘ലാലേട്ടൻ നല്ല തട്ടാണല്ലോ തട്ടുന്നത്… ലെ ബാബു ആന്റണി ചേട്ടൻ :ഇവനെ ഇനിയും വളരാൻ അനുവദിച്ചു കൂടാ’, ‘സിനിമയിൽ വില്ലൻ ആയാലും ഹീറോ ആയാലും ഞാൻ എന്നും ബാബു ചേട്ടൻറെ കൂടെ.. ഇനിയും ഒരുപാട് സിനിമകൾ ഉണ്ടാവട്ടെ എന്ന് ദൈവത്തോട് പ്രാർത്ഥിക്കുന്നു.’ അങ്ങനെ പോകുന്നു കമന്റുകൾ. ഏത് സിനിമ ഷൂട്ട് ചെയ്യുന്ന കാലഘട്ടത്തിലാണ് ഈ ഫോട്ടോ എടുത്തതെന്ന ചർച്ചയും പുരോഗമിക്കുന്നുണ്ട്. വെറുതെ ചിക്കൻ മാത്രം കഴിക്കുവാന്ന് പറഞ്ഞാൽ നുമ്മൾ വിശ്വസിക്കില്ല ബാബുവേട്ടാ എന്നും ആരാധകർ പറയുന്നു.

ഒരു ഇടവേളയ്ക്ക് ശേഷം ബാബു ആന്റണി മലയാള സിനിമയിലേക്ക് തിരിച്ചുവരവിന് ഒരുങ്ങുകയാണ്. ഒമർ ലുലു സംവിധാനം ചെയ്യുന്ന ചിത്രമായ പവർസ്റ്റാർ എന്ന ചിത്രത്തിലൂടെയാണ് ഒരു ഇടവേളയ്ക്ക് ശേഷം ബാബു ആന്റണി മലയാളസിനിമയിലേക്ക് എത്തുന്നത്. ബിഗ് ബജറ്റ് ആക്ഷൻ ചിത്രമായാണ് പവർ സ്റ്റാർ ഒരുങ്ങുന്നത്.
ചിത്രത്തിൽ ബാബു ആന്റണിക്കൊപ്പം ഹോളിവുഡ് താരം ലൂയിസ് മാൻഡിലോറും അബു സലിം, ബാബുരാജ്, റിയാസ് ഖാൻ എന്നിങ്ങനെ മലയാളി പ്രേക്ഷകരുടെ പ്രിയ താരങ്ങളും അണിനിരക്കുന്നുണ്ട്. ഒരു കാലഘട്ടത്തിൽ മലയാള സിനിമാ പ്രേക്ഷകർക്കിടയിൽ തന്റെ കിടിലൻ ആക്ഷൻ രംഗങ്ങളിലൂടെ യുവാക്കളുടെ ഇടയിൽ സൂപ്പർ താരമായി മാറിയ വ്യക്തിയായിരുന്നു ബാബു ആന്റണി. ഒരിടവേളക്ക് ശേഷമാണ് സംവിധായകൻ ഒമർ ലുലു സംവിധാനം ചെയ്യാൻ പോകുന്ന ബിഗ് ബജറ്റ് ആക്ഷൻ ചിത്രമായ പവർ സ്റ്റാറിലൂടെ നായകനായി മലയാള സിനിമയിലേക്ക് തിരിച്ചെത്തുന്നത്.