എട്ടു വര്‍ഷത്തെ ബാച്ച്‌ലര്‍ ലൈഫിന് അവസാനം, നടന്‍ ബാലക്ക് സെപ്റ്റംബര്‍ അഞ്ചിന് വിവാഹം

കഴിഞ്ഞ കുറച്ച് ദിവസങ്ങളായി നടന്‍ ബാലയേയും ഗായിക അമൃത സുരേഷിനേയും മകള്‍ അവന്തികയേയും കുറിച്ചുള്ള ചര്‍ച്ചകള്‍ സോഷ്യല്‍മീഡിയയില്‍ സജീവമാണ്. മകള്‍ക്ക് കൊവിഡാണ് എന്ന രീതിയില്‍ വ്യാജ വാര്‍ത്ത പരന്നതോടെയാണ് പ്രശ്‌നങ്ങള്‍ തുടങ്ങിയത്. ഏറെ നാളായി പിരിഞ്ഞുകഴിയുന്ന ബാലയും അമൃതയും ഇതോടെ വീഡിയോയുമായി സോഷ്യല്‍മീഡിയയില്‍ രംഗത്തെത്തുകയുണ്ടായി. ബാലയാണ് ഇത്തരത്തിലൊരു വ്യാജവാര്‍ത്ത പരത്തിയതെന്ന് അമൃതയും അമൃത തന്നോട് കാര്യങ്ങള്‍ വ്യക്തമായി പറയാത്തതാണ് കാരണമെന്ന് ബാലയും പറയുകയുണ്ടായി. ഇപ്പോഴിതാ വീണ്ടും ഒരു വീഡിയോ ഫേസ്ബുക്കില്‍ പങ്കുവെച്ചിരിക്കുകയാണ് ബാല.

സെപ്റ്റംബര്‍ അഞ്ചിന് നടന്‍ ബാലയുടെ വിവാഹം ഉണ്ടാകുമെന്ന റിപ്പോര്‍ട്ടുകള്‍ അടുത്തിടെ പുറത്തുവന്നിരുന്നു. കേരളത്തില്‍ വെച്ചു തന്നെയാകും വിവാഹമെന്നും കേള്‍ക്കുന്നു. ഇപ്പോളിതാ നടന്‍ ബാല തന്നെ ഈ കാര്യത്തെക്കുറിച്ച് തുറന്നുപറയുകയാണ്. അണ്ണാത്തെ എന്ന സിനിമയുടെ ചിത്രീകരണവുമായി ബന്ധപ്പെട്ട് ലക്‌നൗവിലാണ് താനെന്നും, ഷൂട്ടിങ് കഴിഞ്ഞാല്‍ വിവാഹം ഉണ്ടാകുമെന്നും താരം പറയുന്നു. വിശേഷങ്ങള്‍ വഴിയേ അറിയിക്കാമെന്നും അദ്ദേഹം പറഞ്ഞു. അച്ഛന്റെ ആഗ്രഹപ്രകാരമാണ് നടന്‍ വിവാഹത്തിന് ഒരുങ്ങുന്നത് എന്നാണ് വിവരം. എട്ട് വര്‍ഷത്തോളമായി ബാച്ചിലര്‍ ലൈഫ് ആയിരുന്നു ബാല.

രജനികാന്ത് ചിത്രം അണ്ണാത്തെയിലാണ് ബാല ഇപ്പോള്‍ അഭിനയിച്ചുകൊണ്ടിരിക്കുന്നത്. ചിത്രത്തിന്റെ സംവിധായകന്‍ ശിവയുടെ സഹോദരന്‍ കൂടെയാണ് ബാല. നയന്‍താര, മീന, കീര്‍ത്തി സുരേഷ്, ഖുശ്ബു, പ്രകാശ് രാജ്, സതീഷ്, സൂരി, ജോര്‍ജ്ജ് മരിയന്‍ എന്നിവരാണ് ചിത്രത്തിലെ മറ്റ് കേന്ദ്ര കഥാപാത്രങ്ങളെ അവതരിപ്പിക്കുന്നത്. സണ്‍ പിക്ചേഴ്സ് നിര്‍മിയ്ക്കുന്ന ചിത്രത്തിന് വേണ്ടി സംഗീത സംവിധാനം നിര്‍വ്വഹിയ്ക്കുന്നത് ഡി ഇമ്മാന്‍ ആണ്. പൂര്‍ണമായും ഒരു കുടുംബ ചിത്രമാണ് അണ്ണാത്തെ എന്നാണ് സംവിധായകന്‍ ശിവ പറഞ്ഞിരിക്കുന്നത്.