തൃക്കാക്കര ഉപതെരഞ്ഞെടുപ്പ് മെയ് 31നാണ്. മുന്‍ എംഎല്‍എ പി.ടി തോമസിന്റെ ഭാര്യ ഉമയാണ് മണ്ഡലത്തില്‍ യുഡിഎഫിനെ പ്രതിനിധീകരിച്ച് സ്ഥാനാര്‍ത്ഥിയായിരിക്കുന്നത്. എല്‍ഡിഎഫ് സ്ഥാനാര്‍ത്ഥിയാകട്ടെ ഡോക്ടറായ ജോ ജോസഫും. പി.ടി തോമസിന്റെ ഭാര്യയും ജോ ജോസഫും തമ്മിലുള്ള അങ്കം കനക്കുമെന്ന കാര്യത്തില്‍ സംശയമില്ല. ഇപ്പോഴിതാ ഉമ തോമസിന്റെ സ്ഥാനാര്‍ത്ഥിത്വത്തെ പിന്തുണച്ച് രംഗത്തെത്തിയിരിക്കുകയാണ് നടന്‍ ഹരീഷ് പേരടി.
പി.ടി.യുടെ ഭാര്യയായതുകൊണ്ടു മാത്രം സ്ഥാനാര്‍ത്ഥിയായ ആളാണ് ഉമയെന്ന് ഹരീഷ് പേരടി ഫേസ്ബുക്കില്‍ കുറിച്ചു. കക്ഷി രാഷ്ട്രീയത്തിന്റെ കള്ള കളികള്‍ അറിയാത്ത ഒരു വീട്ടമ്മയാണ് ഉമയെന്ന് ഹരീഷ് പേരടി പറയുന്നു. മുഖ്യമന്ത്രിയാകുമെന്ന് കരുതിയ കെ.ആര്‍ ഗൗരിയമ്മയെ പാര്‍ട്ടി തഴഞ്ഞതിനെപ്പറ്റിയും ഹരീഷ് പേരടി ചൂണ്ടിക്കാട്ടുന്നുണ്ട്. ഗൗരിയമ്മ മുഖ്യമന്ത്രിയാവും എന്ന് കരുതി വോട്ട് ചെയ്ത ഒരു വോട്ടറാണ് താന്‍. ഒരു നായിക ഭരിക്കേണ്ട തിരക്കഥയില്‍ ഒരു കോമേഡിയന്‍ നായകനായി. നിലവിലെ കോണ്‍ഗ്രസ് രാഷ്ട്രീയത്തോട് ഒരു താത്പര്യമില്ലെങ്കിലും ഉമ ജയിക്കണമെന്നാണ് ആഗ്രഹം. ജീവിതത്തിന്റെ ഏറ്റവും രൂക്ഷമായ അനുഭവങ്ങള്‍ ഉള്ള വീട്ടമ്മമാര്‍ തന്നെയാണ് നമ്മുടെ ജന പ്രതിനിധികള്‍ ആവേണ്ടത്. വീട്ടമ്മമാര്‍ക്കുള്ള വിജയത്തിന്റെ തുടക്കമാവട്ടെ ഉമയുടെ സ്ഥാനാര്‍ത്ഥിത്വമെന്നും ഹരീഷ് പേരടി കൂട്ടിച്ചേര്‍ത്തു.
ഫേസ്ബുക്ക് പോസറ്റിന്റെ പൂര്‍ണരൂപം
ഉമ പി.ടി.യുടെ ഭാര്യയായതുകൊണ്ടു മാത്രമാണ് സ്ഥാനാര്‍ത്ഥിയായത്. പക്ഷെ അവര്‍ കക്ഷി രാഷ്ട്രീയത്തിന്റെ കള്ള കളികള്‍ അറിയാത്ത ഒരു വീട്ടമ്മയാണ്. ഉമക്ക് എതിരെ മല്‍സരിക്കാന്‍ ജീവിക്കാന്‍ വേണ്ടി മാര്‍ക്ക്‌സിന്റെ കമ്മ്യൂണിസം അറിയാത്ത, വായിക്കാത്ത കുടുംബശ്രീയിലെ ഇരുപത് രൂപയുടെ ചോറ് വിളമ്പുന്ന ഒരു സാധാരണ വീട്ടമ്മയെ സ്ഥാനാര്‍ത്ഥിയാക്കിയിരുന്നെങ്കില്‍ ഞാന്‍ ഒരിക്കലും ഇങ്ങിനെ ഒരു പോസ്റ്റ് ഇടില്ലായിരുന്നു. ഗൗരിയമ്മയെ മുഖ്യമന്ത്രിയാക്കാന്‍ സമ്മതിക്കാത്ത സിപിഐഎമ്മിന്റെ പുരുഷാധിപത്യം ഇപ്പോഴും തുടരുന്നു. ഗൗരിയമ്മ മുഖ്യമന്ത്രിയാവും എന്ന് കരുതി വോട്ട് ചെയ്ത ഒരു വോട്ടറാണ് ഞാന്‍. ആയിരുന്നെങ്കില്‍ കേരളം ഒരു സ്ത്രീപക്ഷ പുരോഗമന കേരളമാവുമായിരുന്നു എന്ന് ഞാന്‍ ഇപ്പോഴും വിശ്വസിക്കുന്നു. പക്ഷെ സംഭവിച്ചത് ഒരു നായിക ഭരിക്കേണ്ട തിരക്കഥയില്‍ ഒരു കോമേഡിയന്‍ നായകനായി. നിലവിലെ കോണ്‍ഗ്രസ്സ് രാഷ്ട്രീയത്തോട് ഒരു താത്പര്യമില്ലെങ്കിലും ഞാന്‍ ഉറക്കെ പറയുന്നു. ജീവിതത്തിന്റെ ഏറ്റവും രൂക്ഷമായ അനുഭവങ്ങള്‍ ഉള്ള വീട്ടമ്മമാര്‍ തന്നെയാണ് നമ്മുടെ ജന പ്രതിനിധികള്‍ ആവേണ്ടത്. വീട്ടമ്മമാര്‍ക്കുള്ള വിജയത്തിന്റെ തുടക്കമാവട്ടെ ഉമയുടെ സ്ഥാനാര്‍ത്ഥിത്വം
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…