തിരുവോണദിനത്തിൽ തിയറ്ററുകളിലേക്ക് എത്താൻ ഒരുങ്ങുകയാണ് കുഞ്ചാക്കോ ബോബൻ, അരവിന്ദ് സ്വാമി എന്നിവർ നായകരായി എത്തുന്ന ചിത്രമായ ‘ഒറ്റ്’. ചിത്രം തിയറ്ററുകളിലേക്ക് എത്താൻ പോകുന്നതിന് മുന്നോടിയായുള്ള പ്രമോഷൻ പരിപാടിയുടെ ഭാഗമായി കുഞ്ചാക്കോ ബോബൻ നൽകിയ അഭിമുഖമാണ് ഇപ്പോൾ സോഷ്യൽ മീഡിയയിൽ വൈറലായിരിക്കുന്നത്. ഒറ്റിൽ കുഴികളില്ലെന്നും അതുകൊണ്ട് എല്ലാവരും തിയറ്ററുകളിലേക്ക് സിനിമ കാണാൻ എത്തണമെന്നുമാണ് കുഞ്ചാക്കോ ബോബൻ ആവശ്യപ്പെട്ടത്.
‘ഒറ്റ് എന്ന സിനിമയിൽ ഞാൻ ബോംബെ മുതൽ മംഗലാപുരം വരെ യാത്ര ചെയ്തു. ഒറ്റ കുഴി പോലും ഇല്ല ആ റോഡിലൊന്നും. അത് എടുത്തു പറയേണ്ട കാര്യമാണ്. ഇതും ഒരു റോഡ് മൂവിയാണ്. പക്ഷേ, കുഴികളില്ല. അതുകൊണ്ട് നിങ്ങൾക്ക് ധൈര്യപൂർവം തിയറ്ററുകളിലേക്ക് വരാം. ഈ സിനിമ ആസ്വദിക്കാം. അതാണ്, എനിക്കിപ്പോൾ പറയാനുള്ളത്’ – കുഞ്ചാക്കോ ബോബൻ പറഞ്ഞു.
മലയാളത്തിലും തമിഴിലുമായാണ് ചിത്രം എത്തുന്നത്. കുഞ്ചാക്കോ ബോബന്റെ ആദ്യ തമിഴ് സിനിമ കൂടിയാണ് ഒറ്റ്. തമിഴിൽ രണ്ടകം എന്ന പേരിലാണ് ചിത്രം എത്തുന്നത്. ത്രില്ലർ പശ്ചാത്തലത്തിലാണ് ഈ സിനിമ ഒരുക്കിയിരിക്കുന്നത്. ചിത്രത്തിൽ കുഞ്ചാക്കോ ബോബൻ, അരവിന്ദ് സ്വാമി, ജാക്കി ഷ്രോഫ്, ഈഷ റേബ എന്നിവരാണ് പ്രധാന വേഷങ്ങളിൽ എത്തുന്നത്. കുഞ്ചാക്കോ ബോബനും അരവിന്ദ് സ്വാമിയും ആദ്യമായി ഒന്നിക്കുന്ന ചിത്രമെന്ന പ്രത്യേകതയും ഇതിനുണ്ട്. ടൊവിനോയെ നായകനാക്കി തീവണ്ടി ഒരുക്കിയ ഫെല്ലിനി ടി പിയാണ് ചിത്രം സംവിധാനം ചെയ്തത്. ദി ഷോ പീപ്പിളിന്റെ ബാനറിൽ തമിഴ് ഹീറോ ആര്യയും ഓഗസ്റ്റ് സിനിമാസിന്റെ ബാനറിൽ ഷാജി നടേശനും ചേർന്നാണ് ചിത്രം നിര്‍മ്മിച്ചിരിക്കുന്നത്. ഗൗതം ശങ്കർ ഛായാഗ്രഹണം നിർവഹിക്കുന്ന സിനിമയുടെ എഡിറ്റർ അപ്പു ഭട്ടതിരിയായണ്. ആടുകളം നരേൻ, അമാൽഡ ലിസ്, ജിൻസ് ഭാസ്കർ, അനീഷ് ഗോപാൽ, സിയാദ് യദു എന്നിവരും മറ്റു കഥാപാത്രങ്ങളെ അവതരിപ്പിക്കുന്നു. വസ്ത്രാലങ്കാരം – സ്റ്റെഫി സേവ്യർ. മെയ്ക്കപ്പ് – റോണക്സ് സേവ്യർ. സൗണ്ട് ഡിസൈനർ- രംഗനാഥ് രവി. പ്രൊഡക്ഷൻ കൺട്രോളർ – സുനിത് ശങ്കർ ലൈൻ. പ്രൊഡ്യൂസർ- മിഥുൻ എബ്രഹാം, കൊറിയോഗ്രാഫർ – സജ്‌ന നജാം, ഡിജിറ്റൽ മാർക്കറ്റിങ്: ഒമ (ഓൺലൈൻ മീഡിയ അസോസിയേഷൻ)
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…