നിസാം ബഷീര്‍ സംവിധാനം ചെയ്ത റോഷാക്കിന്റെ പ്രമോഷന്റെ ഭാഗമായി തിരക്കിലാണ് മമ്മൂട്ടി ഉള്‍പ്പെടെയുള്ള താരങ്ങള്‍. ഇപ്പോഴിതാ മമ്മൂട്ടിയും ജഗദീഷും അടക്കം പങ്കെടുത്ത ഒരു അഭിമുഖമാണ് വൈറലായിരിക്കുന്നത്. ശ്രീനാഥ് ഭാസിയുമായി ബന്ധപ്പെട്ട വിവാദത്തിന്റെ പശ്ചാത്തലത്തില്‍ അഭിമുഖങ്ങളില്‍ ഉയരുന്ന ചോദ്യങ്ങളുടെ നിലവാരം ചര്‍ച്ചയായിരുന്നു. റോഷാക്ക് ടീം പങ്കെടുത്ത ഇന്റര്‍വ്യൂവില്‍ ഇത് സംബന്ധിച്ച് ചോദ്യം ഉയരുകയും അതിന് നടന്‍ ജഗദീഷ് നല്‍കിയ മറുപടിയും മമ്മൂട്ടി അത് ഏറ്റ് പിടിച്ചതുമാണ് അഭിമുഖത്തിന്റെ ഹൈലൈറ്റ്.
അഭിമുഖങ്ങളുടെ നിലവാരം കുറയുന്നുവെന്ന അഭിപ്രായം ഉയരുന്നുണ്ടെന്നും അതേപ്പറ്റി അവതാരകന്‍ എന്ന നിലയില്‍ ജഗദീഷിന്റെ അഭിപ്രായം എന്താണെന്നുമായിരുന്നു ഒരു മാധ്യമപ്രവര്‍ത്തകന്റെ ചോദ്യം. അതിനുള്ള മറുപടിയായി ഒരാളുടെ ഭാഗത്താണ് ശരി മറ്റൊരാളുടെ ഭാഗത്താണ് തെറ്റ് എന്ന് ചിന്തിക്കാന്‍ കഴിയില്ലെന്ന് ജഗദീഷ് പറഞ്ഞു. ഇതിനിടയില്‍ കയറി സംസാരിച്ച മമ്മൂട്ടി ചോദ്യം ചോദിച്ച ആള്‍ തെറ്റിന്റേയും ശരിയുടേയും കാര്യം പറഞ്ഞില്ലെന്ന് പറഞ്ഞു. ജഗദീഷ് ചോദിക്കാത്ത ചോദ്യത്തിനാണ് ഉത്തരം പറഞ്ഞതെന്നും മമ്മൂട്ടി പറഞ്ഞു. ഇതിനിടെ അഭിമുഖത്തില്‍ ചോദ്യങ്ങളുടെ നിലവാരം നന്നായിരിക്കണമെന്ന് ജഗദീഷ് പറഞ്ഞപ്പോള്‍ മമ്മൂട്ടി പൊട്ടിച്ചിരിച്ചു. നല്ല ചോദ്യങ്ങള്‍ ചോദിച്ചാല്‍ നല്ല ഉത്തരങ്ങള്‍ കിട്ടുമെന്ന് ജഗദീഷ് പറഞ്ഞപ്പോള്‍ എങ്കില്‍ രണ്ട് നല്ല ചോദ്യങ്ങള്‍ ചോദിക്കൂ എന്നും മമ്മൂട്ടി പറഞ്ഞു. ഇത് എല്ലാവരിലും ചിരി പടര്‍ത്തി.
‘കെട്ട്യോളാണെന്റെ മാലാഖ’ എന്ന ചിത്രത്തിന് ശേഷം നിസാം ബഷീര്‍ ഒരുക്കുന്ന ചിത്രമാണ് റോഷാക്ക്. നാളെയാണ് ചിത്രം തീയറ്ററുകളില്‍ എത്തുന്നത്. മമ്മൂട്ടി കമ്പനി തന്നെയാണ് ചിത്രത്തിന്റെ നിര്‍മാണം നിര്‍വഹിച്ചിരിക്കുന്നത്. ദുല്‍ഖര്‍ സല്‍മാന്റെ ഉടമസ്ഥതയിലുള്ള വേഫെറര്‍ ഫിലിംസാണ് ചിത്രം തീയറ്ററുകളില്‍ എത്തിക്കുന്നത്. മമ്മൂട്ടിയെ കൂടാതെ ഷറഫുദ്ദീന്‍, ജഗദീഷ്, ഗ്രേസ് ആന്റണി, ബിന്ദു പണിക്കര്‍, സഞ്ജു ശിവറാം, കോട്ടയം നസീര്‍, ബാബു അന്നൂര്‍, മണി ഷൊര്‍ണ്ണൂര്‍ തുടങ്ങിയവരും ചിത്രത്തില്‍ അഭിനയിക്കുന്നുണ്ട്.
അഡ്വേഞ്ചേഴ്‌സ് ഓഫ് ഓമനക്കുട്ടന്‍, ഇബ്ലീസ് എന്നീ ചിത്രങ്ങള്‍ക്ക് തിരക്കഥ ഒരുക്കിയ സമീര്‍ അബ്ദുളാണ് തിരക്കഥ ഒരുക്കിയിരിക്കുന്നത്. ബാദുഷയാണ് പ്രൊജക്ട് ഡിസൈനര്‍. കിരണ്‍ ദാസ് ചിത്രസംയോജനവും മിഥുന്‍ മുകുന്ദന്‍ സംഗീത സംവിധാനവും നിര്‍വഹിക്കുന്നു. ഷാജി നടുവിലാണ് കലാസംവിധാനം. പ്രൊഡക്ഷന്‍ കണ്‍ട്രോളര്‍-പ്രശാന്ത് നാരായണന്‍, ചമയം -റോണക്സ് സേവ്യര്‍ ആന്‍സ് എസ്സ് ജോര്‍ജ്, വസ്ത്രാലങ്കാരം -സമീറ സനീഷ്, പിആര്‍ഒ -പ്രതീഷ് ശേഖര്‍, ഡിജിറ്റല്‍ മാര്‍ക്കറ്റിംഗ്-അനൂപ് സുന്ദരന്‍, വിഷ്ണു സുഗതന്‍ എന്നിവരാണ് മറ്റ് അണിയറപ്രവര്‍ത്തകര്‍.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…