ദാദാസാഹിബ് ക്ലൈമാക്സിലെ നെടുനീളൻ ഡയലോഗ് മമ്മൂട്ടിക്ക് മുന്നിൽ അവതരിപ്പിച്ച് കലാകാരൻ;വീഡിയോ കാണാം

ഇഷ്ട താരത്തിനു മുൻപിൽ അദ്ദേഹത്തിന്റെ ശബ്ദം അനുകരിക്കുവാൻ കഴിഞ്ഞതിന്റെ സന്തോഷത്തിലാണ് ഹക്കീം പട്ടേപ്പാടം. ഒരു കലാകാരനെ സംബന്ധിച്ചിടത്തോളം ഇത് അദ്ദേഹത്തിന് കിട്ടാവുന്നതിൽ വച്ച് ഏറ്റവും വലിയ അംഗീകാരമാണ്. മമ്മൂട്ടിയുടെ മുൻപിൽ നിന്ന് ഉള്ള ആരാധകന്റെ അനുകരണ വീഡിയോ ഇപ്പോൾ സോഷ്യൽ മീഡിയയിൽ വൈറൽ ആവുകയാണ്.

ഷൂട്ടിങ് ലൊക്കേഷനിലായിരുന്ന മമ്മൂട്ടിയുടെ അടുത്തേക്ക് അപേക്ഷയുമായി കടന്നുവന്ന ആരാധകനോട് ഇരുന്നു പറയുവാൻ മമ്മൂട്ടി നിർബന്ധിച്ചെങ്കിലും നിന്നുകൊണ്ട് തെല്ല് പരിഭ്രമത്തോടെ അദ്ദേഹം ദാദാസാഹിബ് എന്ന ചിത്രത്തിന്റെ ക്ലൈമാക്സിലെ ഒരു നെടുനീളൻ ഡയലോഗ് മമ്മൂട്ടിക്ക് മുന്നിൽ അവതരിപ്പിച്ചു. പഞ്ചവർണ്ണതത്തക്ക് ശേഷം രമേശ് പിഷാരടി സംവിധാനം ചെയ്യുന്ന ഗാനഗന്ധർവൻ എന്ന ചിത്രത്തിലാണ് മമ്മൂട്ടി ഇപ്പോൾ അഭിനയിച്ചുകൊണ്ടിരിക്കുന്നത്. അദ്ദേഹത്തിന്റെതായി അവസാനം പുറത്തിറങ്ങിയ പതിനെട്ടാംപടി മികച്ച അഭിപ്രായങ്ങളോടെ തീയേറ്ററുകളിൽ മുന്നേറുകയാണ്.