‘ബംഗളൂരുവിൽ ആയിരുന്ന മുടിയൻ ഡ്രഗ് കേസിൽ ജയിലിൽ’; ഒരിക്കലും സഹിക്കാൻ പറ്റാത്ത കാര്യങ്ങളാണ് നടക്കുന്നത് – പൊട്ടിക്കരഞ്ഞ് നടൻ ഋഷി

നിരവധി ആരാധകരുള്ള പരമ്പരയാണ് ഫ്ലവേഴ്സ് ടിവിയിൽ പ്രദർശനം തുടരുന്ന ഉപ്പും മുളകും. കഴിഞ്ഞ കുറച്ചു നാളുകളായി ബാലുവിന്റെ കുടുംബത്തിലെ ഒരു അംഗത്തിനെ അധികം കാണാറില്ല. മറ്റാരുമല്ല, മുടിയനെയാണ് കാണാത്തത്. അച്ഛനും അമ്മയുമായ ബാലുവിനും നീലുവിനും മുടിയൻ, ലെച്ചു, കേശു, ശിവ, പാറു എന്നിങ്ങനെ അഞ്ചു മക്കളാണുള്ളത്. എന്നാൽ, മുടിയൻ എന്ന കഥാപാത്രത്തിനെ ഇപ്പോൾ ഉപ്പും മുളകും പരമ്പരയിൽ കാണാറില്ല. എന്തുകൊണ്ട് മുടിയനെ ഉപ്പും മുളകും പരമ്പരയിൽ കാണുന്നില്ലെന്നതിന് ഉത്തരവുമായി എത്തിയിരിക്കുകയാണ് മുടിയൻ എന്ന കഥാപാത്രത്തെ അവതരിപ്പിച്ചിരുന്ന ഋഷി.

കഴിഞ്ഞ നാല് മാസമായി മുടിയൻ എന്ന കഥാപാത്രത്തെ ഉപ്പും മുളകിൽ കാണുന്നില്ലെന്ന പരാതി പ്രേക്ഷകർ ഉന്നയിക്കാറുണ്ട്. ഇപ്പോൾ അതിനുള്ള ഉത്തരവുമായി എത്തിയിരിക്കുകയാണ് മുടിയൻ എന്ന കഥാപാത്രത്തെ അവതരിപ്പിക്കുന്ന ഋഷി. ഒരു ഓൺലൈൻ മാധ്യമത്തിന് നൽകിയ അഭിമുഖത്തിലാണ് ഋഷി ഇക്കാര്യം വ്യക്തമാക്കുന്നത്. മുടിയൻ ബാംഗ്ലൂരിലാണെന്നാണ് കഥയിൽ പറഞ്ഞിരിക്കുന്നതെന്നും ഇപ്പോൾ അവിടെ വച്ച് ഡ്രഗ്ഗ് കേസിൽ അകപ്പെട്ടെന്ന രീതിയിൽ എപ്പിസോഡ് ഷൂട്ട് ചെയ്‌തെന്നുമാണ് ഋഷി ആരോപിക്കുന്നത്. ഇങ്ങനെയൊരു എപ്പിസോഡ് ഷൂട്ട് ചെയ്തിരിക്കുന്നത് തന്റെ അറിവില്ലാതെയാണെന്നും ഉപ്പും മുളകും ടീമിൽ വിശ്വസിക്കാവുന്ന ഒരാളിൽ നിന്നാണ് ഇക്കാര്യം അറിഞ്ഞതെന്നും ഋഷി പറയുന്നു. സംവിധായകന് എതിരെയും ഋഷി പരാതി ഉന്നയിച്ചു. ഉപ്പും മുളകും സീരിയലിൽ കഴിഞ്ഞ നാലു മാസങ്ങളായി ഇല്ല. എങ്കിലും കഥ മുന്നോട്ട് പോകുന്നുണ്ട്. അത് തനിക്ക് കുഴപ്പമില്ലെന്നും ഇപ്പോൾ ഷൂട്ട് ചെയ്തിരിക്കുന്നത് മുടിയൻ ഡ്രഗ് കേസിൽ അകത്തായെന്നുമാണ്. സോഷ്യൽ മീഡിയയിൽ തനിക്ക് ഇതൊക്കെ പറയാൻ പേടി ആയിരുന്നെന്നും അതുകൊണ്ടാണ് നാലുമാസം മിണ്ടാതിരുന്നതെന്നും ഋഷി പറഞ്ഞു.

ഉപ്പും മുളകന്റെ ക്രിയേറ്റർ ഉണ്ണി സാർ ആണ്. മുമ്പും ഉണ്ണി സാറുമായി പ്രശ്നങ്ങൾ ഉണ്ടായിട്ടുണ്ട്. ആദ്യം അമ്മയുടെ(നിഷ സാരംഗ്) നേരെ ആയിരുന്നു. ഇപ്പോൾ എന്റെ നേരെയാണ്. ചില സമയത്ത് പേടിച്ചാണ് സെറ്റിൽ നിൽക്കുന്നതെന്നും എല്ലാവരും നിശ്ശബ്ദരായിരിക്കുമെന്നും ഋഷി പറഞ്ഞു. ഈ എപ്പിസോഡ് ഷൂട്ട് ചെയ്യരുതെന്ന് അവരെല്ലാവരും അഭ്യർത്ഥിച്ചിരുന്നെന്നും ഉണ്ണി സറിന്റെ നിർബന്ധമായിരുന്നു അതെന്നും ഋഷി പറയുന്നു. ഹറാസ്സിങ്ങ്, ടോർച്ചറിങ്ങ് അങ്ങനെയൊരു അവസ്ഥയിലാണിപ്പോൾ ഉള്ളതെന്നും ഋഷി വ്യക്തമാക്കുന്നു.