അഭിമുഖത്തിനിടെ അവതാരകയോട് മോശമായി സംസാരിച്ചെന്ന പരാതിയെ തുടർന്ന് കേസിൽ അകപ്പെട്ടിരിക്കുകയാണ് ശ്രീനാഥ് ഭാസി. കഴിഞ്ഞ ദിവസം പൊലീസ് സ്റ്റേഷനിൽ ഹാജരായ ശ്രീനാഥ് ഭാസിയുടെ അറസ്റ്റ് രേഖപ്പെടുത്തിയതിനു ശേഷം ജാമ്യത്തിൽ വിട്ടയച്ചിരുന്നു. ഇതിനിടെ ശ്രീനാഥ് ഭാസിക്ക് പരോക്ഷ പിന്തുണയുമായി രംഗത്തെത്തിയിരിക്കുകയാണ് നടൻ ഷൈൻ ടോം ചാക്കോ. സ്ഥിതി മോശമാകുന്ന അവസ്ഥയിലാണ് ആളുകൾ ഇങ്ങനെയാകുന്നതെന്നും വിവരവും ബോധവുമുള്ള ആളുകൾ അത് ക്ഷമിക്കണമെന്നും ഷൈൻ പറഞ്ഞു. റിപ്പോർട്ടർ ടിവി ചാനലിനോട് സംസാരിക്കവെയാണ് ഷൈൻ ഇങ്ങനെ പറഞ്ഞത്.
മോശമായ സംസാരരീതി ആ വ്യക്തി ഉണ്ടാക്കിയതല്ലല്ലോയെന്നും നേരത്തെ തന്നെ സമൂഹത്തിൽ ഉള്ളതാണല്ലോയെന്നും ഷൈൻ ചോദിച്ചു. എപ്പോഴും എല്ലാവരും ഒരേപോലെ തന്നെ പ്രതികരിക്കണമെന്നില്ല. കൊന്നുകളയുന്ന ആൾക്കാരുണ്ട്, കത്തിച്ചുകളയുന്ന ആൾക്കാരുണ്ട്, ചുട്ടു കളയുന്ന ആൾക്കാരുണ്ട്. അപ്പോഴൊന്നും കാണിക്കാത്ത ദേഷ്യം ഇതിനുമാത്രം എന്താണ് കാണിക്കുന്നതെന്നും ഷൈൻ ടോം ചോദിച്ചു.
അവൻ അങ്ങനത്തെ ഒരു വ്യക്തിയല്ല. പാട്ടു പാടിയും തമാശ പറഞ്ഞും ആ ഗയ് നമ്മളെ എത്രമാത്രം രസിപ്പിച്ചിട്ടുണ്ടെന്നും സ്ഥിതി മോശമാകുന്ന അവസ്ഥയിലാണ് അങ്ങനെ ആകുന്നതെന്നും അതിനെ നമ്മൾ മാനിക്കണമെന്നും ഷൈൻ പറഞ്ഞു. അവരുമായി കമ്യൂണിക്കേറ്റ് ചെയ്യുന്ന ആളുകൾ അത് പരിഗണിക്കണമെന്നും ഷൈൻ പറഞ്ഞു. ഇങ്ങനത്തെ ചെറിയ കാര്യങ്ങൾ ഊതി വീർപ്പിക്കാതെ ക്ഷമിച്ച് കളയാവുന്നതേ ഉള്ളൂവെന്നും അതുകൊണ്ട് നമ്മുടെ സമൂഹത്തിന് നല്ലതേ ഉണ്ടാകൂവെന്നും ഷൈൻ പറഞ്ഞു. ഇങ്ങനത്തെ കാര്യങ്ങൾ വീണ്ടും വീണ്ടും ഡിസ്കസ് ചെയ്യാതിരിക്കുകയെന്നും വിവരവും ബോധവുമുള്ള ആളുകൾ ക്ഷമിക്കുകയല്ലേ വേണ്ടതെന്നും ഷൈൻ ചോദിച്ചു.
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…
ജനപ്രിയ നായകൻ ദിലീപ് നായകനായി എത്തുന്ന പുതിയ ചിത്രം 'പവി കെയർ ടേക്കർ' ട്രയിലർ റിലീസ് ചെയ്തു. ഹാസ്യവും അതിനൊപ്പം…
സൂപ്പർ ഹിറ്റ് ആയിരുന്ന രാമലീല എന്ന ചിത്രത്തിന് ശേഷം ദിലീപിന് ഒപ്പം വീണ്ടും നടി രാധിക ശരത് കുമാർ. വിനീത്…
യുവനടൻമാരായ ധ്യാൻ ശ്രീനിവാസൻ, പ്രണവ് മോഹൻലാൽ, നിവിൻ പോളി എന്നിവരെ നായകരാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക്…