അഭിമുഖത്തിനിടെ ഷർട്ടിനെ പ്രശംസിച്ച് അവതാരക, ഷർട്ട് ഊരി നൽകി ഷൈൻ ടോം ചാക്കോ, ഭാഗ്യത്തിന് പാന്റ്സ് ഇഷ്ടമായെന്ന് പറഞ്ഞില്ലെന്നും ഇല്ലെങ്കിൽ കുഴപ്പമായേനെയെന്നും അവതാരക

അഭിമുഖത്തിനിടയിൽ തന്റേതായ കുസൃതികൾ കാണിച്ച് പലപ്പോഴും വൈറലാകാറുണ്ട് നടൻ ഷൈൻ ടോം ചാക്കോ. കുസൃതി കാണിക്കുന്നത് മലയാളത്തിൽ മാത്രമല്ല അങ്ങ് തെലുങ്കിലാണെങ്കിലും ഒരു കൈ നോക്കാൻ താരം തയ്യാറാണ്. തെലുങ്ക് അഭിമുഖത്തിനിടെ ഷർട്ട് ഊരിയതാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. രംഗബലി എന്ന സിനിമയുടെ പ്രമോഷന്റെ ഭാഗമായിട്ട് ആയിരുന്നു അഭിമുഖം. സംവിധായകൻ പവൻ ബസംസെട്ടിയും ഷൈനിന് ഒപ്പം അഭിമുഖത്തിന് എത്തിയിരുന്നു.

അഭിമുഖത്തിനിടയിൽ അവതാരക ഷൈനിന്റെ ഷർട്ടിനെ പ്രശംസിച്ച് സംസാരിച്ചു. തുടർന്ന് ഷൈൻ ഷർട്ടിന്റെ ബട്ടൻസ് ഷൈൻ അഴിച്ചു മാറ്റാൻ തുടങ്ങി. സംവിധായകൻ ഇടയ്ക്ക് ഷൈനിനെ തടസപ്പെടുത്തി. ഷർട്ട് ഊരി നൽകാമെന്നും ധരിക്കണമെന്നും ഷൈൻ പറഞ്ഞു. അപ്പോൾ അവതാരകയുടെ മറുപടി ഭാഗ്യം പാന്റ്സ് ഇഷ്ടമാണെന്ന് പറഞ്ഞില്ലെന്ന് ആയിരുന്നു.

ഷൈനിന്റെ ഓരോ പ്രവൃത്തികൾ കാണുമ്പോഴും ടെൻഷനടിക്കുന്ന സംവിധായകനാണ് വീഡിയോയിലെ ഹൈലൈറ്റ്. ഷർട്ട് അഴിച്ചു തന്നാൽ ധരിക്കുമോയെന്ന് ചോദിച്ചപ്പോൾ അത് ധരിച്ച് ഫോട്ടോ എടുത്ത് സോഷ്യൽ മീഡിയയിൽ ഷെയർ ചെയ്യുമെന്ന് ആയിരുന്നു അവതാരകയുടെ മറുപടി. ഒപ്പം എന്ത് നല്ലതാണെന്ന് പറഞ്ഞാലും കിട്ടുമോ എന്ന് നോക്കാൻ അവതാരക തയ്യാറായി. ഉടൻ തന്നെ തലയിൽ ഇരിക്കുന്ന തൊപ്പി ധരില്ലെന്ന് ഷൈൻ പറഞ്ഞു. ഇതിനിടയിൽ ഷൈനിന്റെ കൈയിലിരിക്കുന്ന കൂളിംഗ് ഗ്ലാസ് നോട്ടമിട്ട അവതാരക അത് സ്വന്തമാക്കുകയും ചെയ്തു. നാഗ ശൗര്യ നായകനാകുന്ന തെലുങ്ക് ചിത്രമാണ് രംഗബലി. ദസറയ്ക്കു ശേഷം ഷൈന്‍ അഭിനയിക്കുന്ന തെലുങ്കു ചിത്രമാണിത്.