ഭിന്നശേഷിക്കാരനായ മകൻ സിദ്ദിഖിന്റെ ആദ്യഭാര്യയിൽ ജനിച്ചത്; മകനെ ഇത്രയും കാലം മറച്ചു വെയ്ക്കാനുള്ള കാരണം ഇത്

കഴിഞ്ഞ കുറച്ചുദിവസങ്ങളായി സോഷ്യൽ മീഡിയ നിറയെ നടൻ സിദ്ദിഖിന്റെ മകൻ ഷഹീൻ സിദ്ദിഖിന്റെ വിവാഹവിശേഷങ്ങളാണ്. വിവാഹചിത്രങ്ങൾ സോഷ്യൽ മീഡിയയിൽ പ്രചരിച്ചതിന് ഒപ്പമാണ് സിദ്ദിഖിന്റെ ഒരു മകനെക്കുറിച്ചുള്ള വിശേഷങ്ങളും പ്രചരിച്ചത്. ഷഹീന്റെ വിവാഹചിത്രങ്ങളിൽ ഒരാളുടെ ചിത്രം കണ്ട ആരാധകർ അത് ആരാണെന്ന് അന്വേഷിച്ചു. സിദ്ദിഖിന്റെ തന്നെ മറ്റൊരു മകന്റെ ചിത്രമായിരുന്നു അത്. ഭിന്നശേഷിക്കാരനായ ആ മകനെക്കുറിച്ച് അധികം ആർക്കും അറിയില്ലായിരുന്നു എന്നത് തന്നെയാണ് ആ ചിത്രം വൈറലാകാൻ കാരണമായത്. സിദ്ദിഖിന്റെ അടുത്ത സുഹൃത്തുക്കൾക്കും ബന്ധുക്കൾക്കും മാത്രമായിരുന്നു ഇങ്ങനെയൊരു മകനെക്കുറിച്ച് അറിവ് ഉണ്ടായിരുന്നത്.

കഴിഞ്ഞ ദിവസം ആയിരുന്നു സിദ്ദിഖിന്റെ മകൻ ഷഹീൻ സിദ്ദിഖിന്റെ വിവാഹം. താര സമ്പന്നമായിരുന്നു ഷഹീന്റെ വിവാഹവും വിരുന്നു സൽക്കാരവും. ആ ചിത്രങ്ങളിലെല്ലാം ഷഹീന്റെ ഭാര്യയായി എത്തിയ ഡോ അമൃത ചേർത്തുപിടിച്ച ഒരാൾ ഉണ്ടായിരുന്നു. അത് സിദ്ദിഖിന്റെ രണ്ടാമത്തെ മകനായിരുന്നു. ഭിന്നശേഷിക്കാരനായ ആ മകന്റെ കൈയിൽ ഒരു ചേച്ചിയുടെ കരുതലോടെ അമൃത ചേർത്തുപിടിച്ചത് മാധ്യമശ്രദ്ധ നേടുകയും ചെയ്തിരുന്നു. തുടർന്നാണ് ആ മകനെക്കുറിച്ചുള്ള കൂടുതൽ അന്വേഷണങ്ങൾ ആരാധകർ നടത്തിയത്.

സിദ്ദിഖിന്റെ ആദ്യഭാര്യയിലെ മക്കളാണ് ഷഹീനും ഭിന്നശേഷിക്കാരനായ മകനും. സിദ്ദിഖിന്റെ ആദ്യഭാര്യ ആത്മഹത്യ ചെയ്യുകയായിരുന്നു. ആദ്യഭാര്യയുടെ മരണത്തിന്റെ പേരിൽ സിദ്ദിഖിന് എതിരെ ഒരുപാട് ആരോപണങ്ങൾ ഉയർന്നിരുന്നു. എന്നാൽ അതെല്ലാം പിന്നീട് നിഷേധിക്കപ്പെട്ടു. അതേസമയം, തന്റെ ഭിന്നശേഷിക്കാരനായ മകനെ ഇത്രയും കാലം പൊതുവേദിയിൽ നിന്ന് മാറ്റിനിർത്തിയത് വെറുതെയല്ല. അവന്റെ നേരെ ആരുടെയും സഹതാപ കണ്ണുകൾ ഉയരാതിരിക്കാൻ വേണ്ടി ആയിരുന്നു സിദ്ദിഖും കുടുംബവും ഇങ്ങനെ ചെയ്തത്. ക്യാമറ കണ്ണുകളിൽ നിന്ന് മകനെ മാറ്റിനിർത്തി സന്തോഷകരമായ ജീവിതം നൽകുകയായിരുന്നു സിദ്ദിഖ്. പക്ഷേ, ഷഹീൻ അനുജനൊപ്പമുള്ള ചിത്രങ്ങൾ സോഷ്യൽ മീഡിയയിൽ പങ്കുവെച്ചിരുന്നു. എന്നാൽ ഇത് ആരാണെന്ന് വ്യക്തമാക്കിയിരുന്നില്ല.