സംസ്ഥാന ചലച്ചിത്ര അവാര്‍ഡില്‍ നിന്ന് ഹോം സിനിമയെ ഒഴിവാക്കിയത് വലിയ വിവാദങ്ങള്‍ക്കാണ് വഴി വച്ചത്. സിനിമയെ തഴഞ്ഞതിനെതിരെ ചിത്രത്തിന്റെ സംവിധായകന്‍ റോജിന്‍ തോമസും നടന്‍ ഇന്ദ്രന്‍സും അടക്കമുള്ളവര്‍ രംഗത്തെത്തിയിരുന്നു. ചിത്രത്തിന്റെ നിര്‍മാതാവും നടനുമായ വിജയ് ബാബുവിനെതിരെ ഉയര്‍ന്ന ബലാത്സംഗക്കേസാണ് ചിത്രത്തെ മാറ്റി നിര്‍ത്താന്‍ കാരണമെന്നായിരുന്നു പലരും ചൂണ്ടിക്കാട്ടിയത്. ഇപ്പോഴിതാ ഇതുമായി ബന്ധപ്പെട്ട് പ്രതികരിച്ചിരിക്കുകയാണ് മികച്ച സ്വഭാവ നടനുള്ള പുരസ്‌കാരം സ്വന്തമാക്കിയ സുമേഷ് മൂര്‍.
നിര്‍മാതാവിനെതിരെ പരാതി ഉയര്‍ന്നതിന്റെ പേരില്‍ ഹോം സിനിമയെ സംസ്ഥാന ചലച്ചിത്ര അവാര്‍ഡില്‍ നിന്ന് അവഗണിച്ചത് ശരിയായില്ലെന്ന് മൂര്‍ പറഞ്ഞു. ആ കേസ് തന്നെ വിശ്വാസയോഗ്യമല്ല. അഞ്ചാറുവട്ടം ഒരേ സ്ഥലത്തേക്ക് ഒരാളുടെ കൂടെ പോയിട്ട് പീഡിപ്പിക്കപ്പെടുക എന്ന് പറഞ്ഞാല്‍ താന്‍ വിശ്വസിക്കുന്നില്ല. ഇക്കാര്യത്തില്‍ താന്‍ അവനൊപ്പമാണ്. അവള്‍ക്കൊപ്പം നില്‍ക്കുന്നത് ട്രെന്‍ഡായി നില്‍ക്കുന്നു. അവനൊപ്പവും ആളുകള്‍ വേണ്ടേ? തനിക്കെതിരെ മീ ടൂവോ റേപ്പ് ആരോപണമോ വന്നാല്‍ താന്‍ സഹിക്കും. അങ്ങനെയല്ലാതെ ഒരു നിവൃത്തിയില്ല. ആണുങ്ങള്‍ക്ക് ആര്‍ക്കുമൊന്നും പറയാന്‍ പറ്റില്ല. അത് പിന്നീട് വലിയ പ്രശ്‌നമാകുമെന്നും മൂര്‍ പറഞ്ഞു. തനിക്ക് കിട്ടിയ പുരസ്‌കാരം ഇന്ദ്രന്‍സിനും ഹോമിലെ മറ്റ് അണിയറപ്രവര്‍ത്തകര്‍ക്കും സമര്‍പ്പിക്കുന്നുവെന്നും മൂര്‍ കൂട്ടിച്ചേര്‍ത്തു.
കൊവിഡ് കാലത്ത് ഒടിടിയില്‍ റിലീസ് ചെയ്ത ഹോം സിനിമയ്ക്ക് മികച്ച പ്രേക്ഷക പിന്തുണയാണ് ലഭിച്ചത്. ഇന്ദ്രന്‍സ് അവതരിപ്പിച്ച ഒലിവര്‍ ട്വിസ്റ്റും മഞ്ജു പിള്ളയുടെ കുട്ടിയമ്മയെന്ന കഥാപാത്രവും ഏറെ പ്രശംസ നേടിയിരുന്നു. ചലച്ചിത്ര അവാര്‍ഡ് പ്രഖ്യാപിക്കുമ്പോള്‍ ഹോം സിനിമയ്ക്ക് പുരസ്‌കാരങ്ങള്‍ ലഭിക്കുമെന്ന് പ്രതീക്ഷച്ചവര്‍ നിരാശയിലായതോടെയാണ് സാമൂഹ്യമാധ്യമങ്ങളില്‍ വിമര്‍ശനം ഉയര്‍ന്നത്.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…