നീണ്ട ഇടവേളയ്ക്ക് ശേഷം ഷാജി കൈലാസ് സംവിധാനം ചെയ്ത ചിത്രമാണ് കടുവ. പൃഥ്വിരാജിനെ നായകനാക്കി സംവിധാനം ചെയ്ത ചിത്രം മികച്ച പ്രതികരണമാണ് തിയറ്ററുകളിൽ നിന്ന് സ്വന്തമാക്കുന്നത്. ചിത്രത്തിൽ പൃഥ്വിരാജിന്റെ വില്ലനായി എത്തിയത് ബോളിവുഡ് താരം വിവേക് ഒബ്റോയി ആയിരുന്നു. ലൂസിഫർ എന്ന ചിത്രത്തിനു ശേഷം വിവേക് വില്ലൻ വേഷത്തിൽ എത്തുന്ന ചിത്രം എന്ന പ്രത്യേകത കൂടി കടുവയ്ക്കുണ്ട്. ലൂസിഫറിൽ വിവേകിന് ശബ്ദം നൽകിയത് നടൻ വിനീത് ആയിരുന്നു. ‘കടുവ’യിലും വിനീത് തന്നെയാണ് വിവേക് ഒബ്റോയിക്ക് ശബ്ദം നൽകിയിരിക്കുന്നത്. ലൂസിഫറിലെ ബോബിയെ ശബ്ദം കൊണ്ട് ഗംഭീരമാക്കിയ വിനീതിന് മികച്ച ഡബ്ബിംഗ് ആർട്ടിസ്റ്റിനുള്ള പുരസ്കാരവും ലഭിച്ചിരുന്നു. കടുവയിൽ ഐജി ജോസഫ് ചാണ്ടിയെന്ന കഥാപാത്രമായാണ് വിവേക് ഒബ്റോയി എത്തിയത്. ജോസഫ് ചാണ്ടിയെ എല്ലാ തികവോടെയും വിവേക് ഒബ്റോയി അവതരിപ്പിച്ചപ്പോൾ വിനീതിന്റെ ശബ്ദം അതിനു മാറ്റുകൂട്ടി.
നടിയും പൃഥ്വിരാജ് സുകുമാരന്റെ അമ്മയുമായ മല്ലിക സുകുമാരനും ശബ്ദസാന്നിധ്യമായി ചിത്രത്തിലുണ്ട്. ചിത്രത്തിൽ സീമ അവതരിപ്പിച്ച കഥാപാത്രത്തിനാണ് മല്ലിക സുകുമാരൻ ശബ്ദം നൽകിയത്. ചിത്രത്തിൽ ജോസഫ് ചാണ്ടിയുടെ അമ്മ കഥാപാത്രമായ തിരുത ചേട്ടത്തിയായി എത്തിയത് സീമ ആയിരുന്നു. സീമക്ക് ശബ്ദം നല്‍കിയത് മല്ലിക സുകുമാരനും. സിനിമയില്‍ വളരെ ശക്തയായ ഒരു സ്ത്രീകഥാപാത്രമാണ് തിരുത ചേട്ടത്തിയുടേത്. അതുകൊണ്ടു തന്നെ മല്ലിക സുകുമാരൻ ശബ്ദം കൊണ്ട് ആ കഥാപാത്രം ഗംഭീരമാക്കുകയും ചെയ്തു.
തിയറ്ററുകളിൽ മികച്ച പ്രതികരണമാണ് ഷാജി കൈലാസ്- പൃഥ്വിരാജ് കൂട്ടുകെട്ടിലെത്തിയ കടുവയ്ക്ക് ലഭിച്ചത്. പാലായിലെ പ്രമാണിയായ കടുവക്കുന്നില്‍ കുര്യച്ചന്റെ കഥയാണ് ചിത്രം പറയുന്നത്. വിവേക് ഒബ്റോയ്, സംയുക്ത മേനോന്‍, അലന്‍സിയര്‍, ബൈജു, ഷാജോണ്‍ തുടങ്ങിയവരാണ് മറ്റ് കഥാപാത്രങ്ങളെ അവതരിപ്പിച്ചത്. മാജിക് ഫ്രെയിംസിന്റെ ബാനറിൽ ലിസ്റ്റിൻ സ്റ്റീഫനും പൃഥ്വിരാജ് പ്രൊഡക്ഷൻസിന്റെ ബാനറിൽ സുപ്രിയയും ചേർന്നാണ് ചിത്രം നിർമിക്കുന്നത്.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…