‘എടാ ദാസാ’ എന്നുള്ള വിളിയും ‘എന്താടാ വിജയാ’ എന്ന മറുവിളിയും ജീവനുള്ള കാലത്തോളം മലയാളി സിനിമാപ്രേമികൾ മറക്കില്ല. കാരണം, കാലമെത്ര മുന്നോട്ട് കുതിച്ചാലും ദാസനും വിജയനും മലയാളികളുടെ മനസിൽ ചെറുപ്പക്കാരായി തന്നെ തുടരും. ശ്രീനിവാസൻ തിരക്കഥയെഴുതി സത്യൻ അന്തിക്കാട് സംവിധാനം ചെയ്ത ‘നാടോടിക്കാറ്റ്’ എന്ന സിനിമയിലെ കഥാപാത്രങ്ങൾ ആയിരുന്നു ദാസനും വിജയനും. ശ്രീനിവാസനും മോഹൻലാലും ആയിരുന്നു ചിത്രത്തിൽ ദാസനും വിജയനുമായി എത്തിയത്. ഈ കൂട്ടുകെട്ടിന്റെ തമാശ പതിറ്റാണ്ടുകൾ കഴിഞ്ഞിട്ടും മലയാളി ഏറ്റെടുത്തു. വർഷങ്ങൾക്ക് ശേഷം മലയാളിയുടെ പ്രിയപ്പെട്ട ദാസനും വിജയനും ഒരേ വേദിയിൽ എത്തിയിരിക്കുകയാണ്. ദാസന് വിജയൻ ഉമ്മയും നൽകി. പതിയെ ദാസന്റെ ചുണ്ടിൽ ഒരു പുഞ്ചിരി വിരിഞ്ഞു.
വിനോദ ചാനലായ മഴവിൽ മനോരമയുടെ 2022ലെ എന്റർടയിൻമെന്റ് അവാർഡ് വേദിയിലേക്കാണ് ദാസനും വിജയനും ഒരുമിച്ച് എത്തിയത്. ഇവർക്കൊപ്പം വേദിയിൽ സംവിധായകൻ സത്യൻ അന്തിക്കാടും ഉണ്ടായിരുന്നു. സുഖമില്ലാതെ കുറച്ചു കാലമായി ചികിത്സയിൽ കഴിയുകയായിരുന്നു ശ്രീനിവാസൻ. മഴവിൽ മനോരമയുടെ വേദിയിൽ എത്തിയ ശ്രീനിവാസനെ ഉമ്മ നൽകിയാണ് മോഹൻലാൽ വരവേറ്റത്. മോഹൻലാൽ കവിളിൽ ചുംബനം നൽകി കഴിഞ്ഞപ്പോൾ ശ്രീനിവാസന്റെ ചുണ്ടുകളിൽ ഒരു പുഞ്ചിരി വിരിഞ്ഞു. സത്യൻ അന്തിക്കാടും ആ സമയത്ത് വേദിയിൽ ഒപ്പമുണ്ടായിരുന്നു. മലയാളത്തിലെ മഹാപ്രതിഭകളും യുവതാരങ്ങളും സന്നിഹിതരായിരുന്ന മഴവിൽ മനോരമ എന്റർടയിൻമെന്റ്സ് അവാർഡ് വേദി പ്രതിഭകളുടെ ഒരു സംഗമവേദി കൂടി ആയിരുന്നു.
നാടോടിക്കാറ്റ്, പട്ടണപ്രവേശം, അക്കരെ അക്കരെ അക്കരെ, ഉദയനാണ് താരം എന്നിങ്ങനെ എത്രയെത്ര ചിത്രങ്ങളിൽ അവർ പ്രേക്ഷകർക്കായി തമാശയുടെ വിരുന്നൊരുക്കി. കഴിഞ്ഞ കുറച്ചു കാലമായി സുഖമില്ലാതെ ചികിത്സയിൽ ആയിരുന്നു ശ്രീനിവാസൻ. മക്കളായ ധ്യാൻ ശ്രീനിവാസനും വിനീത് ശ്രീനിവാസനും ഇക്കാര്യം തുറന്നു പറയുകയും ചെയ്തിരുന്നു. എന്നാൽ അനാരോഗ്യത്തിൽ നിന്ന് പതിയെ പതിയെ ആരോഗ്യത്തിലേക്ക് നടന്നു കയറുകയാണ് ശ്രീനിവാസൻ. മഴവിൽ മനോരമയുടെ വേദിയിൽ താരം എത്തിയപ്പോൾ പ്രേക്ഷകർ ഇരുകൈയും നീട്ടി സ്വീകരിച്ചതും അതുകൊണ്ടു തന്നെ. സോഷ്യൽ മീഡിയയിൽ നിമിഷനേരം കൊണ്ടാണ് ചാനൽ പങ്കുവെച്ച പ്രൊമോ വീഡിയോ വൈറലായത്. അജു വർഗീസ്, രമേഷ് പിഷാരടി, ഹണി റോസ് തുടങ്ങി നിരവധി താരങ്ങളാണ് ഈ ചെറിയ വീഡിയോ അവരുടെ സോഷ്യൽ മീഡിയ അക്കൗണ്ടുകളിൽ പങ്കുവെച്ചിരിക്കുന്നത്.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…