‘ലുങ്കി ഉടുത്ത്, കുപ്പിവള ഇട്ട്, മുല്ലപ്പൂ ചൂടി നടക്കുന്നവരെ നിങ്ങൾക്ക് ഇഷ്ടം അല്ല’: ലുങ്കിയുടുത്ത് അനുശ്രീ, അടിപൊളിയെന്ന് ആരാധകർ

യുവനടിമാരിൽ പ്രേക്ഷകർക്ക് ഏറെ പ്രിയപ്പെട്ട താരമാണ് അനുശ്രീ. സിനിമകളിൽ സജീവമായ താരം സോഷ്യൽ മീഡിയയിലും സജീവമാണ്. വ്യത്യസ്തമായ ചിത്രങ്ങളും വീഡിയോകളും സോഷ്യൽ മീഡിയയിൽ അനുശ്രീ പങ്കുവെക്കാറുണ്ട്. ഒപ്പം സിനിമയിലെ വിശേഷങ്ങളും ജീവിതത്തിലെ വിശേഷങ്ങളും താരം ആരാധകരുമായി പങ്കു വെക്കാറുണ്ട്.

ലാൽജോസ് സംവിധാനം ചെയ്ത ഡയമണ്ട് നെക്ലേസ് എന്ന സിനിമയിലൂടെ ആയിരുന്നു അനുശ്രീ സിനിമയിലേക്ക് എത്തിയത്. ചിത്രത്തിൽ ഫഹദ് ഫാസിലിന് ഒപ്പം അഭിനയിച്ച താരം പിന്നീട് ദിലീപ്, മോഹൻലാൽ, മമ്മൂട്ടി തുടങ്ങി നിരവധി താരങ്ങൾക്കൊപ്പം അഭിനയിച്ചു. ‘മഹേഷിന്റെ പ്രതികാരം’ എന്ന ചിത്രത്തിലെ കഥാപാത്രം ഏറെ ശ്രദ്ധിക്കപ്പെട്ടിരുന്നു.

വെടിവഴിപാട്, റെഡ് വൈൻ, പുള്ളിപ്പുലികളും ആട്ടിൻകുട്ടിയും, നാക്കു പെന്റ നാക്കു താക്ക, ചന്ദ്രേട്ടൻ എവിടെയാ, ഒപ്പം എന്നിവ അനുശ്രീയുടെ ചിത്രങ്ങളാണ്. മോഹൻലാൽ നായകനായി എത്തിയ ട്വൽത്ത് മാൻ എന്ന സിനിമയിൽ പ്രധാനവേഷത്തിൽ അനുശ്രീ എത്തിയിരുന്നു. അതേസമയം, ഇൻസ്റ്റഗ്രാമിൽ പുതിയ ചിത്രം പങ്കുവെച്ചിരിക്കുകയാണ് അനുശ്രീ. ലുങ്കി ഉടുത്തുള്ള ചിത്രങ്ങളായിരുന്നു അനുശ്രീ പങ്കുവെച്ചത്. ‘ ലുങ്കി ഉടുത്ത്…. കുപ്പിവള ഇട്ട്… മുല്ലപ്പൂ ചൂടി സിംപിൾ ആയി നടക്കുന്നവരെ നിങ്ങൾക്ക് ഇഷ്ടം അല്ല…????’ എന്ന കുറിപ്പോടെയാണ് ചിത്രങ്ങൾ അനുശ്രീ പങ്കുവെച്ചത്.