എന്റെ ഭർത്താവിനെ കുറിച്ചറിഞ്ഞിട്ട് റേഷൻ കാർഡ് ഉണ്ടാക്കി തരാനാണോ? കുടുംബത്തെ കുറിച്ച് പുറത്തു പറയാത്തതിനെ കുറിച്ച് കസ്‌തൂരി

സാമൂഹിക പ്രശ്‌നങ്ങളിലും മറ്റും തന്റേതായ നിലപാട് തുറന്നു പറഞ്ഞ് ശ്രദ്ധേയായിട്ടുള്ള നടിയാണ് കസ്തുരി. താരത്തിന്റെ ഭർത്താവിനെയോ കുഞ്ഞുങ്ങളെയോ ഇതേവരെ പൊതു ഇടങ്ങളിൽ കസ്തൂരി പരിചയപ്പെടുത്തിയിട്ടില്ല. അതിനിടയിലാണ് കഴിഞ്ഞ ദിവസം ട്വിറ്ററിൽ ഒരു പ്രേക്ഷകൻ ചോദിച്ച ചോദ്യം പ്രസക്തമായിരിക്കുന്നത്. പൊതുവായി പറഞ്ഞാൽ ഒട്ടുമിക്ക സെലിബ്രിറ്റികളും അവരുടെ പങ്കാളിയെ ലോകത്തിന് മുൻപിൽ അധികം പരിചയപ്പെടുത്താറില്ല. അതിന് എന്തെങ്കിലും കാരണമുണ്ടോ എന്നാണ് ചോദ്യം വന്നത്. തക്കതായ മറുപടിയാണ് നടി ആ ചോദ്യത്തിന് നൽകിയിരിക്കുന്നത്.

കൊച്ചു കുട്ടികളെ പോലും ഞരമ്പന്മാർ വെറുതെ വിടാതിരിക്കുമ്പോൾ എന്തിനാണ് ഞാൻ എന്റെ കുടുംബത്തെ കുറിച്ച് വ്യക്തമാക്കുന്നത്? എന്റെ പങ്കാളിയുടെ വിവരങ്ങൾ അറിഞ്ഞിട്ട് നിങ്ങൾ എനിക്ക് റേഷൻ കാർഡ് ഉണ്ടാക്കിത്തരുവാൻ പോകുവാണോ? എന്റെ സ്വകാര്യജീവിതം എന്റേത് മാത്രമാണ്. അത് ഒരു പ്രദർശനവസ്തുവല്ല. എന്റെ കുടുംബത്തിനും സുഹൃത്തുക്കൾക്കും അവരെ കുറിച്ചറിയാം. മറ്റുള്ളവർ എന്തിന് അതറിയണം?