ചെറിയൊരു ഇടവേളയ്ക്ക് ശേഷം മലയാളികളുടെ വീട്ടകങ്ങളിലേക്ക് ഒരു വീടും പതിനേഴു പേരും വീണ്ടും എത്തിയിരിക്കുകയാണ്. അതെ ബിഗ് ബോസ് സീസൺ ഫോർ ഏറെ പുതുമകളോടെ ആരംഭിച്ചിരിക്കുകയാണ്. പതിവിനു വിപരീതമായി ഇത്തവണ ബിഗ് ബോസ് ഹൗസിൽ മത്സരാർത്ഥികളുടെ ഒരു വാർത്താസമ്മേളനം നടന്നിരുന്നു. ഈ വാർത്താസമ്മേളനത്തിൽ ഓരോ മത്സരാർത്ഥിയും അവരവരെക്കുറിച്ച് വ്യക്തമാക്കുകയും ചെയ്തു. അത്തരത്തിൽ പറയുന്നതിനിടയിലാണ് നിലപാടുകൾ തുറന്നുപറയുന്ന സമയത്ത് തനിക്ക് നേരിടേണ്ടി വന്ന ബുദ്ധിമുട്ടുകളെക്കുറിച്ച് നടി ലക്ഷ്മിപ്രിയ വ്യക്തമാക്കിയത്. മിക്കപ്പോഴും സോഷ്യൽ മീഡിയയിലൂടെ വിവിധ വിഷയങ്ങളിൽ തന്റെ അഭിപ്രായവും നിലപാടും വ്യക്തമാക്കുന്ന വ്യക്തിയാണ് ലക്ഷ്മിപ്രിയ. താരത്തെ ചുറ്റിപ്പറ്റിയുള്ള വിവാദങ്ങൾക്കും ഇത് കാരണമായിട്ടുണ്ട്.
നാടകവേദിയിലൂടെ ടെലിവിഷനിലേക്കും അവിടെ നിന്ന് സിനിമയിലേക്കും എത്തിയ താരമാണ് ലക്ഷ്മിപ്രിയ. ഇപ്പോൾ ഇതാ ബിഗ് ബോസ് നാലാം സീസണിന്റെ വേദിയിലും ലക്ഷ്മി പ്രിയ എത്തി നിൽക്കുകയാണ്. താൻ നേരിട്ടുള്ള സൈബർ ആക്രമണങ്ങളെക്കുറിച്ച് നടി തുറന്നു പറഞ്ഞിരിക്കുകയാണ് ബിഗ് ബോസ് ഹൗസിൽ. ബിഗ് ബോസ് മലയാളത്തിന്റെ ചരിത്രത്തിൽ ആദ്യമായിട്ട് നടന്ന വാർത്താസമ്മേളനത്തിൽ ആയിരുന്നു ലക്ഷ്മിപ്രിയ തനിക്ക് നേരിടേണ്ടി വന്ന സൈബർ ആക്രമണങ്ങളെക്കുറിച്ച് വെളിപ്പെടുത്തിയത്. വാർത്താസമ്മേളനത്തിൽ ലക്ഷ്മി പ്രിയ പറഞ്ഞത് ഇങ്ങനെ, ‘ഞാൻ ഇതിനെ കുറച്ചുകൂടെ വലിയ അവസരമായി കാണുന്നു. കാരണം, പല എഴുത്തിലൂടെയും പല നിലപാടുകള്‍ തുറന്ന് പറഞ്ഞതിലൂടെയും ഒരുപാട് സൈബര്‍ ബുള്ളിയിംഗ് നേരിടേണ്ടി വന്നു. എന്നെ പോലെ ഈ സിനിമ മേഖലയില്‍ അല്ലെങ്കില്‍ ടെലിവിഷന്‍ മേഖലയില്‍ ജോലി ചെയ്യുന്ന ഒരാളെന്ന് പറയുമ്പോള്‍ പ്രതികരിക്കുന്നതിന് ഒരു പരിമിതിയുണ്ടാകാം. അവരുടെ ജോലി, ഇവിടെ നിലനിന്ന് പോകേണ്ട ആളുകളാണ്… ഇങ്ങനെയൊക്കെ പറയാമോ എഴുതാമോ എന്നൊക്കെയുണ്ടാകും.’
‘പക്ഷേ ചില ചില കാര്യങ്ങള്‍ കണ്ട് കഴിയുമ്പോള്‍ നമ്മളൊരു സാധാരണ വ്യക്തിയായിട്ട് പല കാര്യങ്ങളിലും തുറന്ന് പ്രതികരിക്കേണ്ടതായി വന്നിട്ടുണ്ട്. അതിന്‍റെ പേരില്‍ ഞാന്‍ മേടിച്ച് കൂട്ടുന്നതിനൊന്നും കയ്യും കണക്കുമില്ല. പക്ഷേ എന്തു കൊണ്ടാണ് ഞാന്‍ അങ്ങനെയൊക്കെ സംസാരിക്കുന്നത്… എന്താണ് ഞാന്‍… എന്റെ നിലപാടുകള്‍ എന്തുകൊണ്ടാണ്.. ഇവരൊക്കെ തെറ്റിദ്ധരിച്ചിരിക്കുന്ന കുറേ കാര്യങ്ങളുണ്ട്. എന്തിനെയെങ്കിലും ഒക്കെ സപ്പോര്‍ട്ട് ചെയ്യുമ്പോള്‍ നമ്മള്‍ മറ്റതിനൊക്കെ എതിരാണെന്ന് പറയുന്ന ഒരു കാര്യമുണ്ട്. എപ്പോഴും അങ്ങനെയാണല്ലോ.. നമ്മള്‍ ഇതിനോട് ചേരുമ്പോള്‍ മറ്റതിനൊക്കെ ഈ സ്ത്രീ എതിരാണെന്ന് വിചാരിക്കും. അതുകൊണ്ട് അതിനെയൊക്കെ മാറ്റാന്‍ കിട്ടുന്ന വലിയ അവസരമായാണ് ബിഗ് ബോസിനെ ഞാൻ കാണുന്നത്.’ – കുടുംബത്തെ പിരിഞ്ഞിരിക്കുന്നതിൽ വിഷമമുണ്ട് പക്ഷേ ജോലി ചെയ്യുന്നത് മക്കൾക്ക് കൂടെ വേണ്ടിയിട്ടാണ്. ആ ഒരു ചിന്തയിൽ അങ്ങ് അഡ്ജസ്റ്റ് ചെയ്ത് ജീവിക്കുന്നെന്നും ലക്ഷ്മിപ്രിയ പറഞ്ഞു.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…