കിടപ്പറ രംഗം എത്രനേരം ചിത്രീകകരിച്ചെന്ന് ആരാധകന്റെ ചോദ്യം; അശ്ലീല ചോദ്യത്തിന് കുറിക്ക് കൊള്ളുന്ന മറുപടിയുമായി നടി മാളവിക

പട്ടം പോലെ എന്ന സിനിമയിൽ ദുൽഖർ സൽമാന്റെ നായികയായി എത്തിയ അൽപം ഉയരം കൂടിയ സുന്ദരി പെട്ടെന്നാണ് സിനിമാപ്രേമികളുടെ മനസിൽ ഇടം പിടിച്ചത്. പിന്നീട് ഹിന്ദിയിലും തമിഴിലും കന്നഡയിലും മാളവിക തന്റെ സാന്നിധ്യം അറിയിച്ചു. ധനുഷിന്റെ നായികയായി മാരൻ എന്ന തമിഴ് ചിത്രത്തിൽ മികച്ച പ്രകടനമായിരുന്നു താരം കാഴ്ച വെച്ചത്. ഈ ചിത്രത്തിൽ ഒരു കിടപ്പറ രംഗം ഉണ്ടായിരുന്നു. ഇതിനെക്കുറിച്ചാണ് അശ്ലീലച്ചുവയിൽ ഒരാൾ മാളവികയോട് ചോദ്യങ്ങൾ ചോദിച്ചത്.

ട്വിറ്ററിൽ ആരാധകരുമായി നടത്തിയ സംവാദത്തിലാണ് ഫേക്ക് ഐഡിയിൽ നിന്ന് എത്തിയ ഒരാൾ മാരൻ സിനിമയിലെ രംഗം സംബന്ധിച്ച് ചോദ്യങ്ങൾ ചോദിച്ചത്. ചിത്രത്തിലെ കിടപ്പറ രംഗത്തെക്കുറിച്ച് ആിരുന്നു ചോദ്യം. ‘മാരൻ എന്ന സിനിമയിലെ കിടപ്പറ രംഗം എത്ര നേരം ചിത്രീകരിച്ചു’ എന്നായിരുന്നു ഇയാൾക്ക് അറിയേണ്ടിയിരുന്നത്. ഇതിന് മറുപടിയായി ‘ ഏറ്റവും ദുഃഖം നിറഞ്ഞ സ്ഥലമാണ് നിങ്ങളുടെ തല’ എന്നായിരുന്നു ഇയാളുടെ മറുപടി.

നടിയുടെ അഭിനയത്തെ വിമർശിക്കാനും ഇയാൾ തയ്യാറായി. ‘നിങ്ങളുടെ അഭിനയം വളരെ മോശമാണ്. അത് ഞങ്ങൾക്കും നിങ്ങൾക്കും അറിയാവുന്ന കാര്യമാണ്. സാമൂഹ മാധ്യമങ്ങളിലെ നിങ്ങളുടെ ചൂടൻ ഫോട്ടോഷൂട്ടും ചിത്രങ്ങളും കണ്ടു വരുന്നവരാണ് ആരാധകർ എന്ന് പറഞ്ഞു പിറകെ നടക്കുന്നത്’. ഇക്കാര്യത്തിൽ എന്താണ് പറയാനുള്ളത് എന്നായിരുന്നു അടുത്ത ചോദ്യം. ഇതിന്, ‘നിങ്ങളും എന്നെ ട്വിറ്ററിൽ പിന്തുടരുന്നുണ്ടല്ലോ. അപ്പോൾ പറഞ്ഞുവരുന്നത് നിങ്ങളും എന്റെ ഫോട്ടോഷൂട്ടുകളുടെ ആരാധകനാണെന്നാണോ’ – എന്നായിരുന്നു താരം നൽകിയ മറുപടി.