പച്ചക്കറി കൃഷി മുതൽ പോത്ത് വരെ, പിള്ളാസ് ഫാം മഞ്ജുവിന് ചിരിയല്ല ജീവിതമാണ്

മലയാളത്തിലെ മിനിസ്ക്രീൻ പ്രേക്ഷകർക്ക് ഏറെ പരിചിതമുള്ള താരമാണ് മഞ്ജു പിള്ള, മഴവിൽ മനോരമയിലെ തട്ടീം മുട്ടീം പരമ്പരയിൽ കൂടിയാണ് മഞ്ജുവിനെ പ്രേക്ഷകർക്ക് ഏറെ  പരിചയം. നിരവധി സിനിമകളില്‍ അഭിനയിച്ചിട്ടുളള താരം എസ് പി പിള്ളയുടെ പേരമകളാണ്.  നാടകത്തിലെ അഭിനയത്തിൽ കൂടിയാണ് മഞ്ജു സിനിമയിലേക്ക് എത്തിച്ചേർന്നത്, സീരിയലുകളിൽ ആണ് മഞ്ജു കൂടുതലായും ഉള്ളത്, എന്നാൽ മിനിസ്‌ക്രീനിലെ മഞ്ജു ജീവിതത്തിൽ ഒരു കർഷക ആണ്, ആർക്കും അറിയാത്ത തന്റെ ഫാമിനെ പറ്റിയുള്ള വിശേഷങ്ങൾ പങ്കുവെക്കുകയാണ് മഞ്ജു.

ഓൺലൈൻ വഴിയാണ് തന്റെ ഫാമിനെ പറ്റിയുള്ള കഥകൾ മഞ്ജു പറയുന്നത്. പെട്ടെന്ന് തുടങ്ങിയ ഫാമിൽ അടിച്ച് വാരാനും  പാലു കറക്കാനും ഒക്കെ ആളില്ലാതെ വന്നപ്പോൾ താൻ അത് ചെയ്ത കഥ വളരെ രസകരമായിട്ടാണ് മഞ്ജു പറയുന്നത്. ഏഴ് ഏക്കറോളമുള്ള വിശാലമായ പുരയിടമാണ് ഇത്. വാമനപുരം ആറിന് അതിരിലായതിനാല്‍ കൃഷിയും ഫാം ഹൗസുമൊക്കെയായി മാറ്റുകയാണ് താരദമ്പതികള്‍ ഈ പുരയിടത്തെ. എല്ലാ വിശേഷങ്ങളും ആരാധകരുമായി പങ്കുവയ്ക്കുന്ന താരം തന്നെയാണ് തന്റെ സോഷ്യല്‍ മീഡിയ അക്കൗണ്ടിലൂടെ ഇക്കാര്യം അറിയിച്ചത്. തന്റെഫാമിലേക്ക് പോത്തുകളുമായി രണ്ടാമത്തെ ലോഡെത്തി എന്ന് കുറിച്ചുകൊണ്ടാണ് പുതിയ ചിത്രങ്ങള്‍ മഞ്ജു ഇന്‍സ്റ്റയില്‍ പങ്കുവെച്ചിരിക്കുന്നത്.

ഷൂട്ടിങ് തിരക്കുകളില്ലാതിരുന്ന കോവിഡ് കാലത്ത് കൃഷിയിലേക്ക് തിരിഞ്ഞിരിക്കുകയാണ് നടി മഞ്ജു പിള്ളയും കുടുംബവും. ആട്, കോഴി, പോത്ത് തുടങ്ങിയവയൊക്കെ ഫാമില്‍ വളര്‍ത്താനാണ് തീരുമാനം. പച്ചക്കറി കൃഷിയും ഒപ്പമുണ്ട്. സിനിമാതിരക്കുകളുള്ളതിനാല്‍ കൊച്ചിയിലാണ് സുജിത്തും കുടുംബവും താമസിക്കുന്നത്. എന്നാല്‍ ലോക്ഡൗണിന് മുമ്പ് തിരുവനന്തപുരത്തെ മഞ്ജുവിന്റെ വീട്ടിലേക്ക് എത്തുകയായിരുന്നു. ലോക്ഡൗണിന് മുമ്പാണ് ഫാം വാങ്ങിയത്.ലോക്ക് ഡൗൺ കാലത്ത് കൃഷി തുടങ്ങാനുള്ള അനുമതി സർക്കാർ നല്കിയപ്പോൾ കൃഷി ആരംഭിച്ചു. ലോക്ക് ഡൗണിനു മുൻപേ ഞങ്ങൾ തീരുമാനിച്ച് വെച്ചതായിരുന്നു ഇങ്ങനെ ഒരു ഫാം വേണമെന്ന്, എന്നാൽ അന്ന് ഷൂട്ടിംഗ് ഒക്കെ ആയി തിരക്കിൽ ആയിരുന്നു, എന്നാൽ ലോക്ക് ഡൗൺ പ്രഖ്യാപിച്ചതോടെ ഞങ്ങൾ ഫ്രീ ആയി അപ്പോഴാണ് ഇതിലേക്ക് തിരിഞ്ഞത്.

അൻപത് ലക്ഷം രൂപയാണ് ഫാമിന്റെ ചിലവ് ഇപ്പോൾ 18 ലക്ഷം രൂപ ആയിട്ടുണ്, കുട്ടികളെ പഠിപ്പിക്കുവാൻ വേണ്ടി മാറ്റിവെച്ചിരുന്ന പണമാണ് ഫാമിന് വേണ്ടി ചിലവാക്കിയത് എന്ന് മഞ്ജു പറയുന്നു. ഇപ്പോൾ കൈയിലുള്ള പണം മുഴുവൻ തീർന്നിരിക്കുകയാണ്. ഇപ്പോൾ വർക്കും ഇല്ല ഉള്ള ക്യാഷ് ഇതിൽ ഇടുകയും ചെയ്തു, ലോണിൽ ആണ് ഇപ്പോൾ എല്ലാം പോയിക്കൊണ്ടിരിക്കുന്നത്, ഈ കൊറോണ ഒക്കെ മാറി എല്ലാം ശെരിയാകും എന്നാണ് വിശ്വാസം എന്ന് മഞ്ജു പറയുന്നു.