ഒരുമിച്ച് ചുവടു വെച്ച് മുക്തയും മകളും; രണ്ടുപേരും സൂപ്പറെന്ന് ആരാധകർ

മലയാളികളുടെ പ്രിയപ്പെട്ട താരമാണ് മുക്ത. അച്ഛനുറങ്ങാത്ത വീട് എന്ന സിനിമയിലെ അഭിനയത്തിലൂടെയാണ് മുക്ത മലയാളികൾക്ക് ഇടയിൽ പ്രശസ്തയായത്. ലിസമ്മ എന്ന കഥാപാത്രമായിട്ട് ആയിരുന്നു മുക്ത എത്തിയത്. മുക്തയുടെ രണ്ടാമത്തെ ചിത്രമായിരുന്നു അച്ഛനുറങ്ങാത്ത വീട്. അതിനു മുമ്പ് ഒറ്റനാണയം എന്ന സിനിമയിൽ ചെറിയൊരു വേഷത്തിൽ മുക്ത അഭിനയിച്ചിരുന്നു. സിനിമകളിൽ കൂടാതെ നിരവധി സീരിയലുകളിലും മുക്ത അഭിനയിച്ചിട്ടുണ്ട്. ഗായികയായ റിമി ടോമിയുടെ സഹോദരൻ റിങ്കു ടോമിയെയാണ്
എൽസ ജോർജ് എന്ന മുക്ത വിവാഹം കഴിച്ചത്. ഈ ദമ്പതികൾക്ക് കിയാര എന്നു പേരുള്ള ഒരു മകളുമുണ്ട്. കണ്മണി എന്നാണ് കിയാര അറിയപ്പെടുന്നത്.

മുക്തയും മകൾ കണ്മണിയും തമ്മിലുള്ള ഒരു ഡാൻസ് വീഡിയോയാണ് സോഷ്യൽ മീഡിയയിൽ ഇപ്പോൾ വൈറലായിരിക്കുന്നത്. ഈസ്റ്റർ ദിന സ്പെഷ്യലായി ആണ് മുക്തയുടെ സോഷ്യൽമീഡിയ പേജിൽ ഈ വീഡിയോ പങ്കുവെച്ചിരിക്കുന്നത്. ക്ലൗഡ 9 ഡാൻസ് അക്കാദമിക്കു വേണ്ടിയാണ് മുക്തയും മകൾ കൺമണിയും ഡാൻസ് ചെയ്തിരിക്കുന്നത്. രാജേഷ് രാജ് നൃത്തം കോറിയോഗ്രഫി ചെയ്തിരിക്കുന്നത്. നിരവധി പേരാണ് നൃത്തം അടിപൊളിയാണെന്ന് പറഞ്ഞിരിക്കുന്നത്.

സോഷ്യൽമീഡിയയിൽ സജീവമായ കണ്മണി ഇതിനകം രണ്ടു സിനിമകളിൽ അഭിനയിച്ചു കഴിഞ്ഞു. പത്താം വളവ്, പാപ്പൻ എന്നീ ചിത്രങ്ങളിലാണ് കണ്മണി അഭിനയിച്ചിരിക്കുന്നത്. കണ്മണിയുടെ ധാരാളം ഡബ്സ്മാഷ് വീഡിയോസ് സോഷ്യൽ മീഡിയയിൽ ഇതിനകം വൈറലായിട്ടുണ്ട്. റിമി ടോമിക്ക് ഒപ്പവും കണ്മണി ഇതിനകം ധാരാളം വീഡിയോകളിൽ അഭിനയിച്ചിട്ടുണ്ട്.