മഞ്ഞക്കിളി ആയി നവ്യ നായർ; വൈറലായി പുതിയ ചിത്രങ്ങൾ, ഒപ്പം അടിക്കുറിപ്പും

നന്ദനം എന്ന ചിത്രത്തിലെ ബാലാമണി എന്ന കഥാപാത്രമായി മലയാളി പ്രേക്ഷകരുടെ മനസിൽ ഇഷ്ടം നേടിയ നടിയാണ് നവ്യ നായർ. വിവാഹത്തിനു ശേഷം വന്നു ചേർന്ന ഇടവേളയ്ക്ക് ശേഷം ഒരുത്തീ സിനിമയിലൂടെ ശക്തമായ തിരിച്ചുവരവാണ് നവ്യ നടത്തിയത്. ‘ഒരുത്തീ’ സിനിമയിലെ രാധാമണി എന്ന കഥാപാത്രം നവ്യ നായരുടെ സിനിമാജീവിതത്തിലെ തന്നെ ശക്തമായ കഥാപാത്രമായി മാറി. സിനിമയിൽ നിന്ന് മാറി നിന്നപ്പോഴും സോഷ്യൽ മീഡിയയിൽ സജീവമായിരുന്നു നവ്യ നായർ. തന്റെ വ്യക്തിപരമായ വിശേഷങ്ങളും കുടുംബവിശേഷങ്ങളും എല്ലാം നവ്യ സോഷ്യൽ മീഡിയ വഴി പങ്കുവെക്കാറുണ്ട്.

പുതിയതായി സോഷ്യൽ മീഡിയയിൽ നവ്യ പങ്കുവെച്ച ചിത്രങ്ങളാണ് ഇപ്പോൾ വൈറലാകുന്നത്. മഞ്ഞസാരിയിൽ സുന്ദരിയായ ചിത്രങ്ങളാണ് നവ്യ പങ്കുവെച്ചിരിക്കുന്നത്. ‘നിങ്ങളുടെ ഒഴികഴിവുകളേക്കാൾ എന്തുകൊണ്ട് എന്നത് വലുതായി കാണുക. അഭിനിവേശം ഊർജ്ജമാണ്. നിങ്ങളെ ആവേശം കൊള്ളിക്കുന്നവയിൽ നിന്ന് നിങ്ങളുടെ ശക്തി തിരിച്ചറിയുക’ – എന്ന അടിക്കുറിപ്പോടു കൂടിയാണ് നവ്യ ചിത്രം പങ്കുവെച്ചിരിക്കുന്നത്. ചിത്രത്തെയും ചിത്രത്തിന് നൽകിയ അടിക്കുറിപ്പിനെയും പ്രകീർത്തിച്ച് നിരവധി പേരാണ് രംഗത്തെത്തിയിരിക്കുന്നത്.

ഇഷ്ടം എന്ന സൂപ്പർഹിറ്റ് ചിത്രത്തിലൂടെ അഭിനയരംഗത്തേക്ക് എത്തിയ താരമാണ് നവ്യ നായർ. രഞ്ജിത്ത് രചിച്ച് സംവിധാനം ചെയ്ത നന്ദനം എന്ന ചിത്രത്തിലൂടെയാണ് നവ്യയ്ക്ക് പ്രേക്ഷകമനസിൽ വലിയ അംഗീകാരങ്ങൾ ലഭിച്ചത്. നന്ദനത്തിലെ ബാലാമണി എന്ന കഥാപാത്രം നവ്യ നായർക്ക് വലിയ പ്രശസ്തിയാണ് നേടിക്കൊടുത്തത്. വിവാഹത്തിനു ശേഷം അഭിനയ ജീവിതത്തിൽ നിന്നും ചെറിയ ഇടവേള എടുത്ത സമയത്തും നവ്യയെ സജീവമാക്കി നിർത്തത് സിനിമ കഥാപാത്രങ്ങളെ വെച്ചുള്ള ട്രോളുകൾ ആയിരുന്നു. പിന്നീട് നവ്യ നായർ നൃത്ത പരിപാടികളിലും ടെലിവിഷൻ പരിപാടികളിലും സജീവമായി തുടങ്ങി. ഒരുത്തീ എന്ന ചിത്രത്തിലൂടെ സിനിമയിലേക്ക് വീണ്ടും തിരിച്ചെത്തിയിരിക്കുകയാണ് നടി.