ആഷിഖ് അബുവിന് ഇന്ന് പിറന്നാൾ; എല്ലാക്കാലത്തേക്കുമുള്ള തന്റെ പ്രണയത്തിന് ആശംസകൾ നേർന്ന് റിമ കല്ലിങ്കൽ

സംവിധായകൻ ആഷിഖ് അബുവിന് ഇന്ന് പിറന്നാൾ. ഭാര്യയും നടിയുമായി റിമ കല്ലിങ്കൽ സോഷ്യൽ മീഡിയയിലൂടെ ഭർത്താവിന് പിറന്നാൾ ആശംസകൾ അറിയിച്ചു. ‘എന്റെ എല്ലാക്കാലത്തേക്കുമുള്ള പ്രണയത്തിന് പിറന്നാൾ ആശംസകൾ’ എന്ന് കുറിച്ചാണ് റിമ കല്ലിങ്കൽ ആശംസകൾ അറിയിച്ചത്. റിമ കല്ലിങ്കൽ ആഷിഖ് അബുവിനും ആഷിഖ് അബു റിമയ്ക്കും ചുംബനം നൽകുന്ന ചിത്രങ്ങൾ പങ്കുവെച്ചാണ് ആശംസകൾ നേർന്നത്. നിരവധി ആരാധകരാണ് ആഷിഖ് അബുവിന് പിറന്നാൾ ആശംസകൾ നേർന്ന് എത്തിയത്.

1978 ഏപ്രിൽ 12നാണ് ആഷിഖ് അബു ജനിച്ചത്. നിലവിൽ സംവിധായകൻ, നിർമാതാവ്, നടൻ, വിതരണക്കാരൻ എന്നീ നിലകളിൽ മലയാള സിനിമയിൽ സജീവമാണ് താരം. ഡാഡി കൂൾ, സാൾട്ട് ആൻഡ് പെപ്പർ, 22 ഫീമെയിൽ കോട്ടയം, ഇടുക്കി ഗോൾഡ്, മായാനദി, വൈറസ്, നാരദൻ എന്നിവയാണ് ആഷിഖ് അബു സംവിധാനം ചെയ്ത ചിത്രങ്ങൾ. 2013ലാണ് റിമ കല്ലിങ്കലിനെ ആഷിഖ് അബു വിവാഹം കഴിച്ചത്. നവംബർ ഒന്നിന് കാക്കനാട് രജിസ്ട്രേഷൻ ഓഫീസിൽ വെച്ച് ആയിരുന്നു വിവാഹം.

പരസ്യനിർമ്മാതാവായാണ് ആഷിഖ് അബു കലാജീവിതം ആരംഭിച്ചത്. ദീർഘകാലം പ്രശസ്ത സംവിധായകൻ കമലിന്റെ സംവിധാനസഹായി ആയിരുന്നു. തന്റെ ഒരു ചിത്രം മറ്റൊന്നിന്റെ അനുകരണം ആകരുതെന്നു നിർബന്ധമുള്ളതായി പല അഭിമുഖങ്ങളിലും ആഷിഖ് അബു പറഞ്ഞിട്ടുണ്ട്. ആഷിഖിന്റെ സിനിമകളുടെ മറ്റൊരു പ്രത്യേകതയായി പറയാവുന്നത് ശക്തമായ സ്ത്രീ കഥാപാത്രങ്ങളാണ്. 2017ൽ ദിലീഷ് പോത്തൻ സംവിധാനം ചെയ്ത മഹേഷിന്റെ പ്രതികാരം ആണ് ആദ്യ നിർമ്മാണ സംരംഭം.