തെന്നിന്ത്യൻ ഹാസ്യനടി വിദ്യുലേഖ രാമൻ വിവാഹിതയായി; ആരാധകമനം കവർന്ന് വിവാഹചിത്രങ്ങൾ

വിദ്യുലേഖ രാമൻ എന്ന നടിയെ കോമഡി റോളുകളിലൂടെയാണ് തെന്നിന്ത്യൻ സിനിമാപ്രേക്ഷകർക്ക് കൂടുതലും പരിചയം. ഗൗതം മേനോന്റെ നീ താനേ എൻ പൊൻവസന്തം എന്ന ചിത്രത്തിലൂടെ 2012ലാണ് താരം അഭിനയരംഗത്തേക്ക് കടന്ന് വന്നത്. നടൻ മോഹൻ രാമന്റെ മകളാണ് വിദ്യു. തീയാ വേലൈ സെയ്യണം കുമാരു, മാലിനി 22 പാളയംകോട്ടൈ, രാമയ്യ വസ്താവയ്യ തുടങ്ങിയ ചിത്രങ്ങളിലൂടെ പ്രേക്ഷകർക്ക് സുപരിചിതയായ വിദ്യു 86 കിലോയിൽ നിന്നും 65 കിലോയിലേക്ക് എത്തിയ മാറ്റം പ്രേക്ഷകരെ ഏറെ അത്ഭുതപ്പെടുത്തിയിരുന്നു.

ഹാസ്യവേഷങ്ങളിലൂടെ ശ്രദ്ധേയയായ നടിയിപ്പോൾ വിവാഹിതയായിരിക്കുകയാണ്. ഫിറ്റ്നസ് ന്യൂട്രീഷ്ണൽ എക്സ്പർട്ട് ആയ സഞ്ജയ് ആണ് വരൻ. അടുത്ത സുഹൃത്തുക്കളും ബന്ധുക്കളും മാത്രം പങ്കെടുത്ത സ്വകാര്യ ചടങ്ങിലായിരുന്നു വിവാഹം. ഡേറ്റിങ്ങ് ആപ്പിലൂടെയാണ് വിദ്യുലേഖയും സഞ്ജയും പരിചയപ്പെടുന്നത്. സൗഹൃദം പിന്നീട് പ്രണയമാവുകയായിരുന്നു.

ജില്ല, വാസുവും ശരവണനും ഒന്നാ പഠിച്ചവങ്ക, പുലി, മഹർഷി തുടങ്ങി തമിഴിലെയും തെലുങ്കിലെയും നിരവധി ഹിറ്റ് ചിത്രങ്ങളുടെ ഭാഗമായിട്ടുണ്ട് വിദ്യുലേഖ. തമിഴ്, തെലുങ്ക് സിനിമയിലെ ഹാസ്യവേഷങ്ങളിലൂടെയാണ് വിദ്യുലേഖ ശ്രദ്ധനേടുന്നത്. ഏതാനും ടിവി ഷോകളിലും വിദ്യുലേഖ അവതാരികയായി എത്തിയിരുന്നു. തമിഴ് ഹാസ്യ താരം സന്താനത്തിന്റെ ജോഡിയായി നിരവധി തമിഴ് സിനിമകളിൽ പ്രേക്ഷകരെ ചിരിപ്പിച്ച വേഷങ്ങൾ വിദ്യുലേഖ കൈകാര്യം ചെയ്തിട്ടുണ്ട്.

കഴിഞ്ഞ കുറേ വർഷങ്ങളായി ഇരുവരും പ്രണയത്തിലായിരുന്നു. ഇവരുടെ പ്രണയത്തിന് ഇരു വീട്ടുകാരും സമ്മതം അറിയിച്ചതിന് പിന്നാലെ,കഴിഞ്ഞ വർഷം കോവിഡ് ലോക്ക്ഡൗൺ സമയത്ത് ഇരുവരുടെയും വിവാഹ നിശ്ചയം നടന്നിരുന്നു. ചെന്നൈ ഇ,സി.ആറിലുള്ള ഒരു സ്വകാര്യ റിസോർട്ടിൽ വെച്ചാണ് കഴിഞ്ഞ ദിവസം ഇവരുടെ വിവാഹം നടന്നത്. അടുത്ത ബന്ധുക്കളും സുഹൃത്തുക്കളും പങ്കെടുത്ത സ്വകാര്യ ചടങ്ങിലായിരുന്നു വിവാഹം.