അമ്മ യോഗത്തിൽ ഹൃദയം കവർന്ന് താരസുന്ദരിമാർ; സ്റ്റെലിഷ് ലുക്കിൽ നമിത പ്രമോദ്, സിംപിളായി അന്ന ബെൻ

കഴിഞ്ഞദിവസമായിരുന്നു താരസംഘടനയായ അമ്മയുടെ മീറ്റിംഗ് കൊച്ചിയിൽ നടന്നത്. അമ്മയുടെ മീറ്റിംഗിൽ ഹൃദയം കവർന്നത് സ്റ്റെലിഷ് ലുക്കിൽ എത്തിയ യുവനടിമാരാണ്. അമ്മ യോഗത്തിനായി എത്തിയത് മുന്നൂറിലേറെ സിനിമാതാരങ്ങളാണ്. മഞ്ജു വാര്യർ, അനു സിതാര, നമിത പ്രമോദ്, മിയ, അന്ന ബെൻ, ഗ്രേസ് ആന്റണി, ഹണി റോസ് തുടങ്ങി നിരവധി താരങ്ങളാണ് യോഗത്തിൽ പങ്കെടുക്കാൻ എത്തിയത്.

കഴിഞ്ഞദിവസം അമ്മയുടെ വാർഷിക ജനറൽ ബോഡി മീറ്റിംഗ് ആയിരുന്നു നടന്നത്. അമ്മ മീറ്റിംഗിൽ പുതിയ വൈസ് പ്രസിഡന്റുമാരുടെയും പതിനൊന്നംഗ എക്സിക്യുട്ടിവ് കമ്മിറ്റിയുടെയും തെരഞ്ഞെടുപ്പും നടന്നു. പ്രസിഡന്റായി മോഹൻലാലും ജനറൽ സെക്രട്ടറി ആയി ഇടവേള ബാബുവും തിരഞ്ഞെടുക്കപ്പെട്ടു. കൊച്ചിയിൽ നടന്ന വാർഷിക ജനറൽ ബോഡി യോഗത്തിൻറെ നേതൃത്വത്തിലാണ് പുതിയ ഭാരവാഹികളെ തിരഞ്ഞെടുത്തത്. ഇത്തവണ വൈസ് പ്രസിഡന്റ് അടക്കം നാല് വനിതകൾ സംഘടന കമ്മിറ്റിയിൽ ഉൾപ്പെടുന്നുണ്ട്.

വൈസ് പ്രസിഡന്റ് സ്ഥാനത്തേക്ക് ശ്വേതാ മേനോനും മണിയൻ പിള്ള രാജുവും തെരഞ്ഞെടുക്കപ്പെട്ടു. ഔദ്യോഗിക പാനലിലുണ്ടായിരുന്ന നിവിൻ പോളിയും ഹണി റോസും പരാജയപ്പെടുകയും ചെയ്തു, കൂടാതെ സുധീർ കരമന, ടിനി ടോം, ടോവിനോ തോമസ്, ബാബുരാജ്, മഞ്ജു പിള്ള, ലെന, രചന നാരായണൻ കുട്ടി, സുരഭി, ഉണ്ണി മുകുന്ദൻ എന്നിവരാണ് വിജയിച്ച മറ്റു എക്സിക്യൂട്ടീവ് കമ്മിറ്റി അംഗങ്ങൾ. ട്രഷറർ സിദ്ദിഖും ജോയിന്റ് സെക്രട്ടറിയായി നടൻ ജയസൂര്യയും ആണ് തിരഞ്ഞെടുക്കപ്പെട്ടത്.