നടിമാരെ കുറിച്ച് അശ്ലീല പരാമർശം; പത്രപ്രവർത്തകന് കുറിക്ക് കൊള്ളുന്ന മറുപടിയുമായി നടിമാർ

അഭിനേതാക്കളും പത്രപ്രവർത്തകരും തമ്മിൽ പലപ്പോഴും അത്ര സുഖകരമായ ഒരു സൗഹൃദമല്ല നിലനിൽക്കുന്നത്. ഇരു ഭാഗത്ത് നിന്നുമുണ്ടാകുന്ന പല പരാമർശങ്ങളും മിക്കവാറും വിവാദങ്ങൾ സൃഷ്ടിക്കാറുണ്ട്. അങ്ങനെയുള്ള സമയത്താണ് തെലുങ്കിൽ ഈ ദിവസങ്ങളിൽ ഒരു പത്രപ്രവർത്തകൻ നടിമാരെ കുറിച്ച് വളരെ അശ്ലീലമായ രീതിയിൽ ചില പരാമർശങ്ങൾ നടത്തിയത്. എന്തായാലും അത് കേട്ട് നിശ്ശബ്ദരായിരിക്കുകയല്ല അവിടെയുള്ള നടിമാർ ചെയ്‍തത്. പത്രപ്രവർത്തകന്റെ വായടപ്പിക്കുന്ന രീതിയിലുള്ള മറുപടി തന്നെ അവർ കൊടുത്തു.

രാകുൽ പ്രീത് സിങ്ങ്

“ജേർണലിസ്റ്റ് എന്ന് സ്വയം വിളിക്കാൻ അയാൾക്ക് തന്നെ നാണമുണ്ടാകണം. ചർച്ചകൾ എന്ന് പറഞ്ഞ് നടത്തുന്നത് എന്താണ്? നടിമാരെ പുലഭ്യം പറയുകയും തരം താഴ്ത്തുകയും ചെയ്യുന്നതാണോ? അധഃപതനത്തിന്റെ ഏറ്റവും വലിയ ഉദാഹരണം തന്നെയാണിത്.”

ലക്ഷ്മി മഞ്ചു

“എത്രയൊക്കെയായാലും സ്ത്രീകളെ തരം താഴ്ത്തി ആരും ഇങ്ങനെയുള്ള വൃത്തിക്കെട്ട വാക്കുകൾ ഉപയോഗിക്കരുത്. നടിമാരെ ഇങ്ങനെ കടന്നാക്രമിക്കുന്നത് നമ്മുടെ ഇൻഡസ്‌ട്രിയിൽ യാതൊരു കാരണവശാലും അനുവദിക്കുന്നതല്ല എന്നോർത്ത് കൊള്ളുക. നടിമാരെ അപമാനിച്ച് പബ്ലിസിറ്റി നേടാതെ നല്ലൊരു ജീവിതം കരുപിടിക്കാൻ നോക്കൂ.”

ലാവണ്യ ത്രിപാഠി

“ഇത്തരത്തിലുള്ള വിഡിയോകൾ ധാരാളം ഇപ്പോൾ കാണുന്നുണ്ട്. പലരും സ്ത്രീകളെ അടിച്ചു താഴ്ത്താൻ ഇത്തരത്തിൽ ഏറ്റവും മോശമായ വഴികൾ തിരഞ്ഞെടുക്കുകയാണ്. ഇത് നാണക്കേടുണ്ടാക്കുന്നതും അപലപനീയവുമാണ്.”