ചില പ്രശ്‌നങ്ങളിലൂടെ കടന്നുപോവുമ്പോൾ ചിലർ പറഞ്ഞിട്ടുണ്ട്,പൃഥ്വിരാജിനെ നോക്കൂ എന്ന്; മനസ്സ് തുറന്ന് അഹാന

യുവതാരം അഹാന കൃഷ്ണകുമാറിന്റെയും സഹോദരിമാരുടെയും വീഡിയോകളും ചിത്രങ്ങളും എല്ലാം നിമിഷനേരം കൊണ്ടാണ് ആരാധകർ സ്വീകരിക്കുന്നത്. വെറും മൂന്ന് നാല് ചിത്രങ്ങളിൽ മാത്രം അഭിനയിച്ച് കൊണ്ട് മലയാളികളുടെ മനസ് കവർന്ന താരമാണ് അഹാന. അഹാന, ഇഷാനി, ദിയ, ഹൻസിക എന്നിങ്ങനെയാണ് കൃഷ്ണകുമാറിന്റെ മക്കളുടെ പേരുകൾ

അടുത്തിടെ താരം ചില സൈബർ ആക്രമണങ്ങൾക്ക് വിധേയമാകുകയും അതിനെതിരെ പ്രതികരിക്കുകയും ചെയ്തിരുന്നു. നാലു പെൺമക്കൾക്കും സ്വന്തമായി യൂട്യൂബ് ചാനൽ ഉണ്ട്. എല്ലാവരുടെയും വിശേഷങ്ങൾ യൂട്യൂബ് ചാനലിലൂടെ ആരാധകർക്കായി പങ്കുവയ്ക്കാറുണ്ട്. അടുത്തിടെ അഹാന പങ്കെടുത്ത ഒരു പരിപാടിയുടെ വിശേഷങ്ങൾ ആണ് ഇപ്പോൾ സോഷ്യൽ മീഡിയയിൽ വൈറലാകുന്നത്. അഭിനയത്തിൽ മാത്രമല്ല സംവിധാന രംഗത്തും അഹാനയ്ക്ക് ഭാവിയുണ്ടെന്ന് പ്രേക്ഷകർ നേരത്തെ വിലയിരുത്തിയിരുന്നു. ഈ ആഗ്രഹം താമസിക്കാതെ തന്നെ സഫലമാകും എന്ന് ഇപ്പോൾ പറയുകയാണ്. ടോവിനോ തോമസ്,പൃഥ്വിരാജ്,മമ്മൂട്ടി,മോഹൻലാൽ ഇവരുടെ ഫോട്ടോ അവതാരിക കാണിച്ചപ്പോൾ പൃഥ്വിരാജിന്റെ ഫോട്ടോയാണ് അഹാന തെരഞ്ഞെടുത്തത്. അതിനുള്ള കാരണവും താരം വ്യക്തമാക്കുന്നുണ്ട്.

താരത്തിന്റെ വാക്കുകൾ:

പൃഥ്വിയെ തനിക്ക് പണ്ടേയിഷ്ടമാണ്. പൃഥ്വിരാജ് എന്ന് കേൾക്കുമ്പോൾ വെരി സെൻസിബിൾ പേഴ്‌സൺ എന്നാണ് തോന്നിയിട്ടുള്ളത്. വേറിട്ട പ്രണയനായകനായാണ് അദ്ദേഹത്തെ വിശേഷിപ്പിക്കുന്നത്. ഞാനൊക്കെ ചില പ്രശ്‌നങ്ങളിലൂടെ കടന്നുപോവുമ്പോൾ ചിലരൊക്കെ പറഞ്ഞിട്ടുണ്ട്,പൃഥ്വിരാജിനെ നോക്കൂ. എത്ര പ്രശ്‌നങ്ങളെ അതിജീവിച്ചാണ് പുള്ളി ഇങ്ങനെ നിൽക്കുന്നത്. ഭയങ്കര ബഹുമാനം തോന്നുന്നയാളാണ്.