“ചെറുപ്പത്തിലേ ഉറക്കത്തിൽ എണീറ്റിരുന്ന് ഇംഗ്ലീഷിൽ പ്രസംഗം പറയാറുണ്ട്” അഹാന കൃഷ്‌ണ

മലയാള സിനിമയിലെ യുവനടിമാരിൽ പ്രേക്ഷകരുടെ പ്രിയങ്കരിയാണ് അഹാന കൃഷ്ണ. സോഷ്യൽ മീഡിയയിലും സജീവമാണ് താരം. ഇപ്പോൾ ഇതാ അഹാനയുടെ ഒരു അഭിമുഖവും അതിലെ വാക്കുകളും ശ്രദ്ധേയമായിരിക്കുകയാണ്. ബിഹൈൻഡ്വുഡ്‌സിന് നൽകിയ ഒരു അഭിമുഖത്തിലാണ് രസകരമായ കാര്യങ്ങൾ താരം വെളിപ്പെടുത്തിയത്. കൂർക്കം വലിക്കാറുണ്ടോ എന്ന ചോദ്യത്തിന് ഇല്ലായെന്നും പക്ഷേ ഉറക്കത്തിൽ കിടന്ന് പിച്ചും പേയും പറയാറുണ്ടെന്നാണ് നടി തുറന്നു പറഞ്ഞത്. എന്നാൽ ഇംഗ്ലീഷിലാണ് പിച്ചും പേയും പറഞ്ഞിരുന്നതെന്നും കൂടാതെ ചെറുപ്പം മുതലേ ഉറക്കത്തിൽ എണീറ്റിരുന്ന് ഇംഗ്ലീഷിൽ പ്രസംഗം പറയാറുണ്ടെന്നും അഹാന ഒരു ചിരിയോടെ വെളിപ്പെടുത്തി.

ഏറെ ഉത്തരവാദിത്വ ബോധമുള്ള തനിക്ക് നിരുത്തരവാദപരമായി പ്രവർത്തിക്കുന്നവരോട് ദേഷ്യമാണ് എന്നും അഹാന പറയുന്നുണ്ട്. അനിയത്തിമാരെ കുറിച്ചും നടി വെളിപ്പെടുത്തുന്നുണ്ട്. അവരുടെ നല്ലതും മോശമായതുമായ വശങ്ങളെ കുറിച്ചാണ് അഹാന പറഞ്ഞത്. എന്തായാലും ട്രോളന്മാർക്ക് അറിഞ്ഞു പ്രവർത്തിക്കാനുള്ള നിരവധി കാര്യങ്ങൾ അഹാന വെളിപ്പെടുത്തിയിട്ടുണ്ട്.

ഞാൻ സ്റ്റീവ് ലോപ്പസ് എന്ന ചിത്രത്തിലൂടെയാണ് അഹാന കൃഷ്ണ വെള്ളിത്തിരയിൽ എത്തിയത്. പിന്നീട്, ഞണ്ടുകളുടെ നാട്ടിൽ ഒരു ഇടവേള എന്ന ചിത്രത്തിലൂടെ സജീവമായി. ഇപ്പോൾ, തോന്നൽ എന്ന ലഘുചിത്രം താരം സംവിധാനം ചെയ്യുകയും അത് വൈറലാവുകയും ചെയ്‌തിരുന്നു. ലൂക്ക, പതിനെട്ടാം പടി, ഡോട്ട്സ്, പിടിക്കിട്ടാപ്പുള്ളി തുടങ്ങിയ ചിത്രങ്ങളിലും അഭിനയിച്ചിട്ടുള്ള അഹാനയുടെ പുതിയ ചിത്രങ്ങൾ നാൻസി റാണി, അടി എന്നിവയാണ്.