അന്ന് വിഷമം ഇല്ലായിരുന്നു, എന്നാൽ ഫഹദിന്റെ നായികയാകാനുള്ള ആ അവസരം നഷ്ടപ്പെടുത്തിയതോർത്ത് ഇന്ന് വിഷമം വരുന്നു: അഹാന

വെള്ളിത്തിരയിൽ തിളങ്ങി നിൽക്കുന്ന കൃഷ്ണകുമാറിന്റെ മൂത്ത മകൾ അഹാന കൃഷ്ണൻ മലയാളികളുടെ പ്രിയതാരമാണ്. വിടർന്ന കണ്ണുകളുള്ള നടി എന്ന വിശേഷണത്തിൽ ആണ് താരം അറിയപ്പെടുന്നത്. അഹാന ഇപ്പോൾ ടൊവിനോയുടെ നായികയായി എത്തുകയാണ്. അടുത്ത വാരമാണ് ടോവിനോയുടെ നായികയായി അഹാന എത്തുന്നു ലൂക്ക എന്ന ചിത്രം റിലീസ് ചെയ്യുന്നത്.അഹാന എട്ടാം ക്ലാസിൽ ആയിരുന്നപ്പോൾ ഫഹദിനന്റെ നായികയായി അഭിനയിക്കാൻ ഒരു അവസരം ലഭിച്ചിരുന്നെങ്കിലും പല കാരണങ്ങളാൽ അത് സാധിച്ചില്ല. അന്ന് അതിൽ വലിയ വിഷമം തോന്നിയില്ലെങ്കിലും ഇപ്പോൾ അതിൽ ദുഃഖിക്കുന്നു എന്ന് അഹാന തുറന്നു പറയുന്നു. താരം എട്ടാം ക്ലാസിൽ ആയിരുന്നപ്പോൾ അന്നയും റസൂലും എന്ന ചിത്രത്തിലേക്കാണ് ക്ഷണം ലഭിച്ചത്.

അഹാന പന്ത്രണ്ടാം ക്ലാസിൽ എത്തിയപ്പോഴാണ് ചിത്രം റിലീസ് ആയത്. ഒരു ഫഹദ് ചിത്രത്തിലേക്ക് ക്ഷണം ലഭിച്ചതിൽ സന്തോഷം ഉണ്ടായിരുന്നു. എന്നാൽ ഇപ്പോൾ ആ റോൾ കിട്ടിയിരുന്നെങ്കിൽ എന്ന് ആഗ്രഹിക്കുന്നുണ്ട്. ഒരു കായികതാരത്തിന്റെ റോൾ അവതരിപ്പിക്കാൻ താൽപര്യമുണ്ടെന്നും അഹാന തുറന്നു പറയുന്നുണ്ട്. കലാകാരനും ശില്പിയുമായ ലൂക്ക എന്ന യുവാവിന്റെ കഥപറയുന്ന ‘ ലൂക്ക ‘ എന്ന ചിത്രത്തിലാണ് ടൊവിനോയും അഹാനയും ഒന്നിക്കുന്നത്. ചിത്രം നിർമ്മിക്കുന്നത് പ്രിന്‍സ് ഹുസൈനും ലിന്റോ തോമസും ചേര്‍ന്നാണ്.