‘എനിക്ക് 27 വയസായി, എന്റെ അച്ഛനും അമ്മയും എന്നോട് നീ എപ്പോഴാണ് കല്യാണം കഴിക്കുകയെന്ന് ചോദിച്ചിട്ടില്ല’ – അഹാന കൃഷ്ണ

യുവതലമുറയിലെ നടിമാരിൽ ശ്രദ്ധേയയായ താരമാണ് അഹാന കൃഷ്ണ. വളരെ കുറച്ച് ചിത്രങ്ങളിൽ മാത്രമാണ് അഹാന അഭിനയിച്ചിട്ടുള്ളത്. എന്നാൽ അഭിനയിച്ച ചിത്രങ്ങളെല്ലാം തന്നെ ശ്രദ്ധക്കപ്പെട്ടിരുന്നു. ഒരു ഇടവേളയ്ക്ക് ശേഷം അഹാന നായികയായി എത്തിയ ചിത്രം അടി തിയറ്ററുകളിൽ പ്രദർശനം തുടരുകയാണ്. സിനിമയുടെ പ്രമോഷന്റെ ഭാഗമായി നിരവധി മാധ്യമങ്ങൾക്ക് അഹാന അഭിമുഖങ്ങൾ നൽകിയിരുന്നു. അത്തരമൊരു അഭിമുഖത്തിൽ അഹാന പറ‍ഞ്ഞ കാര്യങ്ങളാണ് ഇപ്പോൾ വൈറലായിരിക്കുന്നത്.

തനിക്ക് 27 വയസായെന്നും എന്നാൽ എപ്പോഴാണ് കല്യാണം കഴിക്കുകയെന്ന് തന്റെ അച്ഛനും അമ്മയും ഇതുവരെ ചോദിച്ചിട്ടില്ലെന്നും അഹാന വ്യക്തമാക്കി. പെൺകുട്ടിയായതു കൊണ്ട് അത് ചെയ്യണം, ഇത് ചെയ്യരുത് എന്ന് പറഞ്ഞല്ല തന്നെ വളർത്തിയത്. കല്യാണം കഴിച്ചു വിടേണ്ടത് ഉത്തരവാദിത്തമാണെന്ന രീതിയിലൊന്നും അവർ ചിന്തിക്കുന്നില്ല. റെഡ് എഫ് എമ്മിന് നൽകിയ അഭിമുഖത്തിലാണ് അഹാന ഇങ്ങനെ പറഞ്ഞത്.

തങ്ങൾക്ക് ഓരോരുത്തർക്കും നല്ല കോൺഫിഡൻസുണ്ട്. പെൺകുട്ടി ആയതു കൊണ്ട് അത് ചെയ്യണം, ഇത് ചെയ്യരുത് എന്ന പറഞ്ഞല്ല വളർത്തിയത്. അതുകൊണ്ട് തന്നെ എല്ലാം ചെയ്യാൻ പറ്റുമെന്നാണ് താൻ വിശ്വസിക്കുന്നതെന്നും അത് അല്ലാതെ ഒരു ചിന്ത തനിക്ക് അറിയില്ലെന്നും അഹാന പറഞ്ഞു. ഇപ്പോൾ 27 വയസ് ആയിയെന്നും എപ്പോഴാണ് കല്യാണം കഴിക്കുകയെന്ന് തന്റെ അച്ഛനും അമ്മയും ചോദിച്ചിട്ടില്ലെന്നും അഹാന വ്യക്തമാക്കി. പിള്ളാരെ കല്യാണം കഴിച്ചു വിടുന്നത് ഉത്തരവാദിത്തമായിട്ടോ ജീവിതത്തിലെ ടാസ്ക് ആയിട്ടോ അവർ കാണുന്നില്ലെന്നും അഹാന പറഞ്ഞു.